Дәулеткерейдің күйі «Жеңгем сүйер» #ТАРИХ Дәулеткерейдің бәйбішесі сұлу әрі ерке болған деседі. Дәулеткерей бәйбішесінің сұлулығына, ұнамды қылығына риза болып бір күй шығарады. Дәулеткерей бәйбішесіне күйді орындап берген кезінде, оны бәйбішесі ұнатпай қалады. Сол кезде кіріп шығып қызмет етіп жүрген Дәулеткерейдің жеңгесі әңгімені құлағы шалып қалып: «Төре қайыным, еркетотайыңның кәдесіне жарамай қалған мына күйді маған сыйлашы» дейді. Дәулеткерей сол кезде ойланып тұрып, «Ендеше, мына күйдің аты Жеңгем сүйер болсын. Өзіңе арнадым» дейді. Дәулеткерейдің бұл күйінде жеңгелердің жүріс-тұрысын, биязылығын, әдемілігін, сыпайылығын бейнелейді.
