Заңсыз активтерді қайтару: пайым мен тәжірибе | «Қауіпсіз мемлекет» бағдарлама қонағы Талғат Маханов

«Заң үстемдігі» YouTube арнасының «Қауіпсіз мемлекет» бағдарламасының қонағы – Қазақстан Республикасы Бас прокуратурасының жанындағы Құқық қорғау органдары академиясы Ведомствоаралық ғылыми-зерттеу институты Қылмыстық процесс проблемаларын зерттеу орталығының аға ғылыми қызметкері, әділет кеңесшісі Талғат Ғабитұлы Маханов заңсыз активтерді қайтару туралы жүргізілген зерттеу нәтижелерімен бөлісті. Сұхбат барысында «актив», «заңсыз иемденілген активтер» терминдерінің мағынасы қарапайым тілмен ашылып, заңсыз активтерді қайтару туралы қылмыстық істер бойынша дәлелдеу мəселесі талқыланды. Сонымен қатар, зерттеу барысында әзірлеген оқу құралының шеңберінде қылмыстық жолмен алынған ақша және мүліктерді заңдастыруды саралау жəне дәлелдеу жолдары атап өтілді. Талғат Ғабитұлы заңсыз активтерді қайтаруда Ұлыбритания, Швейцария сияқты шет елдердің озық тәжірибелерін көшіріп алу мақсат емес, бірақ ұлттық құқықтық жүйеге сәйкес келген жағдайда қабылдауға болатынын айтты. Сонымен бірге заңсыз активтерді қайтару мәселесі туындағанда ғылыми-зерттеу нәтижелерін негізге алуға аса мән берілу керек. Бағдарламаның жүргізушісі – саясаттанушы, аға әділет кеңесшісі Бүркіт Нұрмағамбетов