«Абай-дана, Абай-дара қазақта» әдеби-сазды кеш

6 ақпан күні аудандық мәдени-демалыс орталығында Жаңақала аудандық мәдениет, тілдерді дамыту, дене шынықтыру және спорт бөлімінің қолдауымен аудандық орталықтандырылған кітапхана жүйесі мен аудандық мәдени-демалыс орталығы бірлесіп, ұлы ойшыл, қазақтың бас ақыны Абай Құнанбайұлының 175 жылдығына орай , «Абай-дана, Абай-дара қазақта» әдеби-сазды кеш өткізілді. Шара барысында Ұлы Абайдың бірінші қара сөзін аудандық кітапхананың кітап қорын толықтыру және жабдықтау бөлімінің меңгерушісі С. Ихсанова, алтыншы қара сөзін Бірлік ауылдық модельді кітапханасының кітапханашысы Г. Дүйсен, жетінші қара сөзін аудандық кітапхананың оқырмандарды кітаппен қамту бөлімінің меңгерушісі З. Жардемова оқыса , Жаңақазан ауылдық модельді кітапхананың кітапханашысы Р. Толеугалиева «Татьянаның Онегинге жазған хатын» аудандық кітапхананың кітапханашылары Н. Кәрімова «Өлсем, орным қара жер сыз болмай ма?», Н. Меңдешева «Есіңде бар ма жас күнің?..», кітапхана қызметкері А. Алдоңғарова «Өлең - сөздің патшасы» өлеңдерін нақышына келтіре оқып, оқырман жүрегіне жеткізе білді. Кеш аудандық кітапхананың көркемдік жетекшісі Т. Бисенғалиевтың орындауындағы «Ғасырнама» әнімен аяқталды. Сонымен қатар, «Абайдың рухани мұрасы» атты кең көлемде кітап көрмесі оқырмандарға насихатталып, «Абай шығармалары біздің кітапханада: Келіңіз! Оқыңыз! Танысыңыз!» айдарымен Абай Құнанбайұлының өлеңдері жазылған парақшалар таратылды. Кітапханашылар арасындағы басталған жыр эстафетасын Жаңақазан ауылдық модельді кітапханасының кітапханашысы Р. Тулеугалиева аудандық кітапхананың кітапханашысы Н. Кәрімовадан қабылдап алып, Бірлік ауылдық модельді кітапханасының кітапханашысы Г. Дүйсеноваға жолдады.