"...Дөрвөн жилийн өмнө нэгдүгээр сарын эхээр говийн Манлайтай уулзахаар замд гарч байв. Тэр жилийн хамгийн хүйтэн өдөр тохиож, гадаах зураг авалтын үеэр зочныхоо чихийг хайруулчихаж билээ. Өнөөдөр гайгүй дулаахан байгаасай даа..." хэмээн багийнхандаа ярьж, бид Мандалговийн зүг хөдлөв. Морины Моо хэмээн түмэндээ хүндлэгдсэн уран бүтээлч манай багт нэгдсэн тул уйдахын завгүй, зам эвхэгдэж, алдарт шаргын хөшөөн дээр Алдарт уяачаар /Д.Эрболдоор/ тосуулан, Манлайнх руу хүртэл газарчлуулав. Дөрвөн жилийн өмнө ирсэн танил хашаа, байшин. Нэг гэр нэмэгдчихэж. Өрхийн тэргүүн биднийг тосон угтаад гэрт орохыг урилаа. Шинэ, сайхан гэр аж. Морины байнд ирсэн гэнэ. Цай, унд таваг тариа... Гэрийн эзэн "... За би юугаа яринаа. Хэн намайг заагаад өгчихөв... " гэснээ орчлонгийн жамт ёсны тухай өгүүлэв. Морь болгоны жилийн уяа өөр гэдэг шиг хүмүүнтэй уулзан учрах тохиол бүр өөр өөр мэдрэмж төрүүлдэг шиг. Дөрвөн жилийн өмнө халгисан цалгисан, үг хэл хурц оновчтой Д.Эрдэнэчулуунтай уулзаж хуур хөгжим шиг хөглөгдөж, хөгжилдөж байсан бол энэ удаа хүндэтгэн, талархах, ухаарч, уясах бодолд хөвөн үлдсэнсэн. Бидний ярилцлага 2-р сарын 2-ны лхавга гарагт 11 цагаас "Тод магнай" пэйж хуудас болон "Тод магнай" аппликэйшнээр дамжин үзэгч танд хүрэх болно. Таалан болгооно уу. Аппликейшн татаж авах холбоос : 📱 Андройд -
📱 IPhone -
