🔰Туған жерге тағзым. 🔰Жыл сайын еңбек демалысымның 15- 20 күнін туған жерім Мәди Ауылы нда өткіземін. Бүгін батыр Мәди атам әнге қосқан "Үшқараның" басына шықтым (бала кезімде бір- екі рет шыққам). Таудың ұшар басындағы аурасы керемет. Әнге айналған Үшқараның биіктігі— 497м. Тау басынан алақандай ауылыма көз салып, аспанға қарап ойға батқанда, кәусар жырдың иесі Кәрім Сауғабайдың: "Үшқара десе толқимын, Жырымды дәйім ұштаған. Мекені сенсің, ән- күйдің Аяулы менің Үшқарам" — деген жыр жолдары санамда қайта жаңғырды. Атақты ғұлама ғалым Қаныш Сәтбаев атамыз: «Туған жердің тағдыры толғантпаған, жаны тебіреніп, ол туралы ойланбаған жігітті қайтіп азамат дейміз? Туған жердің қара тасын мақтан ете білмеген азамат бөгде жердің алтын тасын да мақтап жарытпас»—деген екен. Өз басым, шалғайда жүрсем де туған жерімді әркез мақтан тұтамын, жиірек келіп- кетуге тырысамын. P.S. Сондықтан, құрметті әлемжелідегі достар, ауылға көбірек барайық! Балаларымыздың жазғы каникулының бір айын ауылға арнатуымыз керек! Ауыл— ұлттың коды! 💥👍🇰🇿 *туғанжердейжерболмас#
