Жуырда Алматы облысының Райымбек ауданы екі әкімшілік аумаққа бөлінгені баршаға аян. Осылайша 21 жылдан соң Нарынқол ауылы қайтадан аудан орталығы мәртебесіне ие болды. Ал Кеген ауданы қайта құрылды. Орталығы Кеген болып қала береді. Бұл тәуелсіз Қазақстанның тарихындағы бұрын бірігіп, қайтадан бөлініп жатқан ең алғашқы аудан. Алматы облысындағы бұрынғы Кеген мен Нарынқол ауданы 1997 жылы біріктіріліп, Кеген ауылы 21 жыл бойы Райымбек ауданының әкімшілік орталығы болды. Елбасының Жарлығына сәйкес екі аудан қайта бөлініп жатыр. Себебі елдің шетінде, желдің өтінде тұрған Нарынқол көп жылдар бойы қараусыз қалып, тоз-тозы шығып, шекара шебіндегі ауылдардан жұрт үдере көшті. Жаңадан құрылған Кеген ауданының 36 мың тұрғыны бар. Бұрын бір ғана Нарынқол мен оған қарасты 11 ауылдық округте 90 мыңнан астам халық тұрса, қазір содан қалғаны 43 мың. Көршілес Қытай Халық Республикасының қалалары шекараға тіреліп, шамдары самаладай жарқырап тұр. «Ауданның қайта бөлінуінде үлкен саяси астар жатқанын бәріміз жақсы түсінеміз. Нарынқолға аудан орталығы мәртебесін бергізген Елбасына алғысымыз шексіз», - дейді Аспан таудың баурайын мекен еткен ағайындар. Подписывайтесь на «Хабар 24»: / tv24kz Наш сайт -
Facebook - / tvkhabar24 Instagram - / tvkhabar24 Telegram -
Twitter - / tvkhabar24 Vkontakte -
https://vk.com/tvkhabar24 