15 – мамыр халықаралық отбасы күні

15 – мамыр халықаралық отбасы күніне орай Фариза Оңғарсынова атындағы аудандық орталық мәдениет үйінде Мұнайлы ауданынындағы үлгілі отбасылардың бірі Ағатаевтар отбасымен кездесу өтті.Адам өмірі отбасынан басталады, азамат болып қалыптасуы да осында өрбиді. Отбасы–сүйіспеншіліктің, құрмет пен ынтымақтастықтың ошағы, яғни кезкелген зиялы қоғамның діңгегі. Отбасының аман-саулығы - әрбір елдің дамуы мен келешегінің өлшемі. Отбасы – адам баласының түп қазығы, алтын ұясы. Бала өз отбасында ата мен әже, әке мен шешенің, бауырлардың қарым-қатынасын көріп, солардан үлгі алады. «Дәулет есіктен – ақыл бесіктен», демекші, тәрбие бесігі отбасынан бастау алады. Отбасының екі тірегі – әлпештеген әке мен аялаған ана. Осындай ынтымағы жарасқан үлгілі отбасы – Ағатаевтар отбасы.Мұнайлы ауданы,Баянды ауылының тұрғыны. Отбасының тірегі, алтын діңгегі 86 жастағы Сайлаухан әже. Расында да, 86 жастағы Сайлаухан әже – 12 баласынан бүгінде 27 немере, 37 шөбере, сүйіп отырған қазақтың ақ жаулықты, кең пейілді анасы.. Көп балалы ана атанғаны үшін кеудесіне таққан алтын ордені де бар. «Қанша қиындық көрсек те ,өмірге өкпелеуге хақым жоқ», деген әже осы күніне тәубесін айтып отыр. Әжей өзінің айтуынша, 18 жасында тұрмысқа шыққан. Өкінішке қарай, ері ерте қайтыс болған қайтыс болыпты. Бірақ қайғыға мойымай, тастүйін бекініп, алға ұмтылыпты. Сайлаухан әже жасына қарамастан, үйде отырып қолөнермен айналысып,өз қолынан шыққан тоқыма бұйымдарын халыққа ұсынып,шағын кәсібін дөңгелетіп отыр десек артық болмас. Қазіргі таңда «Ұлын ұяға,қызын қияға» ұшырған отбасының ұйытқысы. «Отбасының жемісі – тәрбиелі ұл мен қызы» деген, мақтан етер ұрпағымыз көбейсін. Ұрпағына мақтаныш болар қазыналы қарттарымыз көп болғай. Қазақтың әр отбасының керегесі кең, шаңырағы берік, еліміз аман, жұртымыз тыныш болсын! Отбасы күні мерекесі қарсаңында барша отбасыларға амандық, өзара түсіністік, шексіз қуанышты күндер тілейміз. Өйткені отбасы кез-келген адам үшін әрқашан қымбат!