Асқар Мұқият терме Кішкентай 2024 Кішкентай (терме) Орындаған: Асқар Мұқият Мәтінін жазған: Роман Бұрқаш Әнін шығарған: Асқар Мұқият Жігіттер сөзге терең бойласаңыз, Кішкентай ми тәніңді басқарады. Жалындаған қызыл өрт байқасаңыз, Жарқ еткен бір ұшқыннан басталады. Алланы танып адам ұғынады, Жұдырықтай жүрекпен сезеді де. Тым биік бәйтерек те жығылады, Кішкене құрт түскенде өзегіне. Іздесең сұрағыңа жауабыңды, Бір аят көңіліңді тоқ қылады. Таудай қылып жинаған сауабыңды, Тарыдай тәкаппарлық жоқ қылады. Шоршып жүрген шортандар теңізінде, Тым кішкентай қармаққа ілінеді. Көртышқандар үңгітіп қазған інге, Жер тарпыған тұлпар да сүрінеді. Теңізді тіліп өткен кемелерді, Кішкентай тесік суға батырады. Бірлігі сөгілмеген кемел елді, Азғантай бүлік келіп сапырады. #қазақша_әндер #қазақшахит #АсқарМұқият
