Шығыс Қазақстан облысы Үлкен Нарын ауылының халқы пайға берілген жерлерін бөліп ала алмай жүр. Шаруа қожалығына құрылтайшы болған елдің айтуынша, жиырма төрт жыл бұрын құрылған қожалықтың қазіргі директоры жерді дұрыс пайдаланбайды. Пай иелері пайда көрмегендіктен бөлініп шықпақ ниетте. Бірақ мақсаттары орындалмай, соңғы үш жыл бойы соттасып келеді. Пай иелерінің жері Катонқарағай ауданында. Жерін даулап жиналған азаматтардың бар арманы өздеріне тиесілі телімдерді алып, жеке шаруашылық құрмақ. Сол үшін үш жыл бойы соттасып жүр. Заң бойынша әрекет етейік десек те құзырлы орган қызметкерлерінен қайыр болмады дейді. ГЕРТРУД ҚҰДАБАЕВ, Катонқарағай ауданының тұрғыны: – Кім шешеді? Қалай шешеді? Сотқа барсаң онда жоқ. Прокурорға барсаң онда жоқ. Олар қылмыстық жағдайларды ғана шешеміз. Мынадай жағдайларды біз шеше алмаймыз деп отыр. Бастапқыда қожалықтың құрамында жүз бір адам болған. Қазір олардың жартысынан көбі жоқ. Кейбіреуі басқа жаққа көшіп кеткен. Қайтыс болғандары бар. Ал олардың балаларының қолында мұрагерлік құжаты болса да қожалық директоры тіркемеген. Құрылтайшылар жерлерінің пайдасын да көрмегелі көп болған. Ал құрылтайшы-тұрғындардың қорғаушысы қожалықтың қазіргі директоры жүз бір адам емес, қожалыққа екі-ақ адам ие деген құжат жасап алғандарын анықтапты. Қожалықта Жарғыларына сәйкес жиналыс та өтпегеніне он алты жыл болған екен. ЕРСІН МОЛДАМЖАРОВ, құқық қорғаушы: – Шығамыз дегендер өздері жер пайларын алып, оларды құрылтайшылары шығаратындай жағдайға жете алмай отырмыз. Заңды түрде істегенге. Жерін сұрағандар қожалық директорына тағы барды. Ал ол жиналыс өткізу үшін газетке хабарландыру бергендерін айтып ақталды. МАРАТ ҚОҢЫРОВ, шаруа қожалығының директоры: – Біз былтыр төрт рет газетке жаздық. Сотта мына кісілерді жеңіп шықтық. Сот айтты газетке жазған жарамайды. Почтамен жеке-жеке хат жіберіңдер деді. Құрылтайшылар болса хат жібергені өтірік. Карантинді сылтауратып қашып жүр дейді. Тіпті өзіне сені директор қылып ешкіміміз сайламадық та ғой деді. Бірақ нақты жауап ала алмай тек айғай-шумен тағы қайтты. Жанболат Санияз Бізді әлеуметтік желіде оқыңыздар: Youtube - / @informburo31kanal Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 WhatsApp Информбюро +7 777 331 31 31 #ШҚО #пай #жер_мәселесі
