VIDEO
Хөтлөгч: Б.Ганцацрал: Технологийн сэтгүүлч Зочин: Б.Энхманлай: Мобиком корпорацийн машин сургалтын инженер Биднийг унтаж байх хооронд дэлхийг өөрчлөх технологи танилцуулагдсан нь GPT-5 байлаа. ChatGPT-г бүтээгч OpenAI хамгийн сүүлийн хиймэл оюуны загвараа танилцуулсан нь энэ юм. Компанийн CEO, үүсгэн байгуулагчдын нэг Сэм Алтман танилцуулгынхаа үеэр “Ph.D түвшний AI” гэж хэлсэн нь дэлхий нийтийн анхаарлыг соронз мэт татаж байна. OpenAI-ийн хувьд хүний оюун ухаантай ижил түвшинд сэтгэж чадах хиймэл оюун буюу AGI бүтээх үйлд томоохон дэвшил гарлаа гэж GPT-5-ыг тодорхойлж байна. Хэдхэн сарын өмнө С.Алтман бид AGI бүтээх арга замаа олсон гэж постлож байсан удаатай. Хэдхэн жилийн дараа хүн төрөлхтөн анх удаа дэлхий дээр оюун ухаанаараа хоёрдугаарт эрэмбэлэгдэж магадгүй байна. Харин хэрэглэгч бидний хувьд бүр ч илүү эгзэгтэй мөч ирээд буй. Сошиал дээр GPT-5 загвартай холбоотой олон мэдээлэл, сэтгэгдэл яг одоо бараг л бүх хэл дээр хөвөрч байна. Олон хүн хөгжүүлэгч, бичээч, зөвлөх мэргэжилтэй хүмүүс зах зээлээс арчигдаж цагаан захтнуудын цусгүй дайн эхэлнэ хэмээн шуугьж буй. Гэхдээ би арай өөр бодолтой байна. Дэлхий нийтийг түйвээсэн технологи гарч ирэх бүрд ийм ярианууд байсаар л ирсэн. Харин шинэ технологийг шүүмжлэх бус зөв ашиглаж чадсан цөөн хэд нь шинэ үеийн түүчээлэгчид болсоор ирсэн жамтай. Бидний халаасанд супер компьютер байна гэж гайхуулдаг байсан бол одоо таны халаасанд супер оюун ухаан нэмэгдлээ. Хэрхэн яаж ашиглах нь уншигч таны гарт. #aimodel #gpt5 #openai #chatgpt #techworm Website:
