Жаяу Мұса Байжанұлы 190 жыл

🎼Қазақ халқының әйгілі әншісі, сазгер, ақын Жаяу Мұса Байжанұлының 190 жылдығына арналған «Қазақ өнерінің саңлағы» өнер медиагалерея. 📖Жаяу Мұса - қазақтың әйгілі композиторы, әнші, ақын, ағартушы және қоғам қайраткері. Ол XIX ғасырдың аяғы мен XX ғасырдың басында өмір сүріп, еркіндік пен әділдік үшін күрескен ұлттық өнер мен халық мүддесін қорғауда елеулі рөл атқарған тарихи тұлға. Жаяу Мұса шығармалары шындықты жырлаудың айшықты үлгісі болған. 🔸Өз өлеңінде жырлағандай әділетсіздік салдарынан астындағы атынан айырылып ел ішінде Жаяу Мұса атанып кеткен. 🎼Жаяу Мұсаның әлеуметтік теңсіздікті әшкерелейтін «Ақсиса», «Хаулау», «Шормановқа», «Толғау», «Бұзау зары», «Тұтқын зары», «Сүйіндік», туған жер табиғатын суреттейтін «Баянауыл», «Жаздың күні», «Жазда», «Ұлытау», «Сарын»; аңшылық-саятшылық туралы «Тұрымтай», «Қаршыға», «Көгершін», күлдіргі «Құлбай», «Қазан қыздары», махаббатты жырлайтын «Сұрша қыз», «Шолпан», «Сәулем қыздар», «Гауһар қыз», «Ләйлім»; өмірлік серігі Сапарға арналған «Келдім, Сапар, басыңа» атты әндері бар. 🎶Сондай-ақ, ол - лирикалык сипаттағы «Қыз күйі», «Қыз-бала күйі», «Қызқарқара», «Қамшылау» сияқты күйлердің де авторы. 🔸Жаяу Мұса композитор, әнші ғана емес, өз әндеріне лайықтап, өлең шығарған ақын. Көптеген мысқыл өлеңдерімен қатар «Шал мен торғай», «Бөдене мен қаншыр» атты мысалдары да бар. #ЖаяуМұса190жыл #ҚазақӨнері #ӨнерГалереясы #МәдениМұра #СазСәулесі