Ақ Сарбаз кім? Қасиетті кітаптарда жазылған, Тажалды жеңеді деп күткен Мәді осы Ақ Сарбаз ба?

Европаның озық ойшылдары ХІХ ғасырдың өзінде-ақ батыс өркениетінің ақыры жақсы болмайтынын болжап, эволюция тығырығынан шығар жолды Азиядан іздеу жайлы өсиет қалдырды. Адамзат барлық Рухани Жетекшілерін Азиядан ғана алып келген еді. Адамзатқа бұрындары жіберілген Ұстаздар ішінен бірнешеуінің ғана жаһандық миссиясын айшықтайтын айрықша мәртебесі болды. САКЬЯМУНИ өмір мен өлім сырын ашқаны үшін Будда – Нұрланған деген атақ алды. Құбылу заңына сай адам ешқашан өлмейді. Ол бар болғаны бір энергиялық күйден келесісіне өтіп, бір-бірімен алмасқан өлім мен өмір тізбегінде жүре береді. Әр кезекті құбылудың шарты мен сапасы – Карма, яғни себеп-салдар заңына тәуелді. ҒАЙСА ПАЙҒАМБАР қасиетті қанымен адамдарды қадым заманнан келе жатқан күнәдан арылтты. Құдаймен татуластырды. Дамуы кенже болса да қылмысы үлкен адамзаттың Эволюция Емтиханын кейінге қалдырды. Сол үшін де Құтқарушы атанды. МҰХАМБЕТ ПАЙҒАМБАР ақырдың Пайғамбары болғасын ерекше міндет арқалады. Ол өзіне дейінгі діндердің синтезі – Исламды алып келді. Сондықтан да Ислам жер бетіндегі соңғы дін және мұсылман қауымын әзәзіл азғыруынан қорғайтын берік қалқаны. ҒАРЫШ САРБАЗЫ – "Жеңімпаз" деген эволюциялық мәртебені иеленген. Зұлымдық Иерархиясын талқандау соның ғана пешенесіне жазылған. Христиандар үшін Ғарыш Сарбазы, Құтқарушы бір кезде сенушілерге жіберуге уәде еткен Жұбатушы-Параклет. Мұсылмандар оны Әл-Қаһар деп атайды. Буддистер оның Индиядан алыс, Солтүстікте, Темір Ғасырының аяғында дүниеге келіп, Әлемдік Зұлымдықты жазалайтын Майтрейя екенін айтады. Ақ Сарбаз кітабы. IV. Ғарыш Шайқасы 75 бет #ақсарбаз #жанжиһаны #пайғамбар