АЛВИДОЪ, Фотима Ғуломова! МАРГИ 3 ҳамкурс дар 40 РӮЗ

/ПРЕССА ТЧ/ Фотима Ғуломова, ҳунарпешаи номдори театру синамо, ҳамсари Ҳабибулло Абдураззоқов ва модари коргардони машҳур Барзу Абдураззоқов даргузашт. Ин ҳунарманди номии театру синамо пас аз як моҳи марги шавҳараш дар синни 87-солагӣ олами театр ва зиндагиро абадан падруд гуфт. Ҳанӯз аз субҳи имрӯз, 2-юми март дар назди бинои истиқоматии равоншод Фотима Ғуломова дар баробари хешону наздикон, инчунин намояндагони илму адаб ва фарҳанги кишвар ҳузур доштанд.