Обалы – Бурабай ауданының орталығы Щучинск қаласынан 35 шақырым қашықтықта орналасқан. Табиғаты өте тамаша жер. Ауылдың жанында көл, ну орманы бар. Соған қарамастан, мұнда небәрі 100-ге жуық отбасы ғана тұрады. Бала санының аздығына байланысты, елді мекендегі жалғыз мектеп жабылу алдында тұр. Сол үшін жергілікті тұрғындар еліміздің әр өңірінен көпбалалы отбасыларды осында көшіп келуге шақырып отыр. Олар үшін тегін баспана дайындап қойған. Екі ірі шаруашылықта жұмыс орны да бар. Тіпті, төрт түлік сатып әперуге де дайын. Бірлігі мен берекесі жарасқан ауыл жайында «Qаймақ» жобасынан көріңіздер.
