Қазақ ақбас асыл тұқымын өсіріп, өндіру - ата бабасынан бері келе жатқан кәсіп екенін түсінген бүгінгі ұрпаққа қалай разы болмайсың?! Қазіргі таңда ауыл шаруашылығы, техника мамандары тапшы деп жаһанға жар салғанымызбен, білімді, сауатты жастардың біразы ақ көйлек, сәнді пиджагін ауылдағы шаруа жұмысшысының киіміне ауыстырғанын да байқап жүрміз. Бүгінгі подкастымыздың қадірлі меймандарымен біздің шығармашылық топ Абай облысы, Жарма ауданынынң жазық даласында кездесіп, еркін әңгімеге тарттық. Полиглот кәсіпкер Данияр жоғары білімі мен тәжірибесіне, бірнеше тілді еркін меңгергеніне қарамастан, кеңседе 8 сағат қамалып отырып жұмыс істеуден басын алып қашады. Неге? Ол қырда туып, ойда өскен нағыз ауыл баласы! Ендігі еңбегін ауыл шаруашылығына, ата кәсіпке толығымен арнап отыр. Ал, ,,аралап талай жердің дәмін татқан,, Нұртуған кәсіпкер не іздеп жүр? Әрине, Асан қайғы бабамыз іздеген Жерұйықты іздеп жүрген жоқ. Нұртуғанның өз түйгені бар. Малды асылдандыру жолында ол аталық малдың мықтылығын бірінші орынға қойған. Иә, ол мықты бұқа іздеп жүр. Сатушының сұраған құнын беріп, таңдаулы бұқаның талайын өз қолына түсірген. Спикеріміздің екеуі де жоғары білімді. Бірақ енді ,,майлап берсеңіз де,, кеңсеге барар ниеті жоқ. Қызықты подкастымызды бізбен бірге тамашалай отырыңыздар. Пікірлеріңізге мархаббат! Еңбек етсең ерінбей - тояды қарның тіленбей. Абай.
