Шымкенттегі арыстықтар ереуілге шықты

Арыстағы жарылыстан зардап шегіп, Шымкенттегі «Ақмешітті» уақытша паналағандардың кейбірі талаптарын қойып, Шымкентке кіре берістегі үлкен көше қиылысын жапты. «Арысқа баспана!», «Арысқа көмек!» деген жазуы бар плакаттар ұстаған халықтың алдына Шымкент қаласының әкімі Ғабидолла Әбдірахымов пен Түркістан облысының әкімі Өмірзақ Шөкеев келді. Наразылыққа шыққандар жарылыс болған Арыс қаласынан басқа жаққа көшіруді, үй немесе жер беруді талап етіп отыр Алайда мешіттің ішіне кірген билік басындағыларға халықтың көңілі толмағандықтан ба, Арыстың ашынған жұрты қайта көшеге шықты. Осы кезде ер азаматтардан құралған екі жүзге жуық адам мешіт маңынан қаланың ішіне қарай қозғала бастаған. Шеруге шыққандарға тосқауыл болғысы келген полиция қызметкерлерін қалың топ бұзып өтіп, шеру бес шақырымдай жерге созылды.