Хакухогийн 33 дахь түрүү башёгийн барилдаанууд 15-0

Хакухо 33 дахь түрүүгээ байгуулснаар 1960-аад оны домогт аварга Тайхогийн тогтоосон амжилтыг шинэчилж байгаа юм. Тэрбээр өнгөрсөн оны сүүлчийн тэмцээнд түрүүлж домогт аваргатай эн зэрэгцсэн билээ. 192 см өндөртэй, 157 кг жинтэй Хакухо 2014 онд болсон зургаан тэмцээний тавд нь түрүүлсэн. Тэрбээр 2000 онд Японд ирж, 2007 оноос Ёкозүна цолтойгоор барилдах болсон бөгөөд карьерынхаа хугацаанд 880 ялалт, 186 ялагдал хүлээсэн байна.