Белсенді әрі жемісті қайырымдылық қызметі мен мейірімділігі үшін «Шапағат» медалі және «Атамекен» Қазақстан Республикасының Ұлттық кәсіпкерлер палатасының ІІІ дәрежелі “Өз ісіне адалдығы үшін” медалінің иегері, Тараз қаласының «Құрметті азаматы» Анар Бексұлтанова. Кәсіпкер Анар Бексұлтанова – ерекше қабілеті бар адам. Ол мүмкіндігі шектеулі адамдарға деген көзқарасты түбегейлі өзгертіп, нағыз мүмкіндігі шектеусіз адамның тұлғасын қалыптастыра білді. Бүгінде Анарды мотивациялық дәрістерге жиі шақырады. Ол әрбір адамның мүмкіндігі шектеусіз екенін үнемі айтып отырады.
