Абай облысында студент қыз туысқан ағасын ауыр қылмыс жасады деп айыптап отыр
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Абай облысында студент қыз туысқан ағасын ауыр қылмыс жасады деп айыптап отыр. Бойжеткен отбасына жақын жан алты жасымнан бері маған қорлық көрсетті дейді. Айтуынша, мектепте дене шынықтыру мұғалімі болған ағасы өзге оқушыларға да қол жүгіртіп, арам ойын іске асыруға оқталған. Қазір полиция істің ақ-қарасын ажырату үшін тергеуді қайта жалғастырыпты. Сұмдық жайтты амалдың жоқтығынан баяндадым деген студентпен өңірдегі әріптесім тілдесіп келді. Еркеназ Оразғалиева басынан өткен сұмдық оқиғаны жалпақ жұртқа жария етуге бел буған. Себебі, өзіне қорлық көрсеткен азаматтың қатаң жазаға тартылғанын қалайды. Бойжеткен туыс ағам алты жасымнан бері жыныстық қысым көрсетті деп отыр. ЕРКЕНАЗ ОРАЗҒАЛИЕВА, жәбірленуші: - Өзінің жыныстық мүшесін көрсетіп, менің жыныстық мүшелерімді ұстайтын және порнографиялық түрлі видеоларды көрсететін. Солай басталды. Содан кейін 11-12 жастарымнан бастап менің тік ішегімнен өзінің арам ойын іске асырып келді. Осы 16 жасыма дейін 2022-нің соңғы рет декабрьінде болған. Мәдениет ауылындағы мектепте дене шынықтыру пәнінің мұғалімі болған ағам 11 жасымда арам ойын іске асырып, ұзақ жылдар бойы жыныстық қатынасқа итермеледі дейді жасөспірім қыз. Тіпті, білім ошағындағы өзге оқушыларға да қырындағанын жеткізді. ЕРКЕНАЗ ОРАЗҒАЛИЕВА, жәбірленуші: - Қорлық көрген мен ғана емеспін. Ауылда қаншама қыздар бар. Солардың атынан шығып отырмын. Ол қыздар ұят деп үндемей отыр да. Бір қызды зорлап ұсталған мектепте. Тағы бір қыздарға жыныстық қатынасқа тартқан. Сөзімен тиісіп тартқан, намекать еткен дейді ғой сондайлар болған. Кішкентай кезімнен жәбір көрдім деген студент полицияға да арыз жазыпты. Алайда тергеу соңына дейін жетпей орта жолдан тоқтағанын жеткізді. Ал тәртіп сақшылары қылмыстық іс қайта қозғалғанын мәлімдеді. ҚУАНЫШ ӘБІШОВ, Аягөз ауданы полиция бөлімінің бастығы: - Қазіргі уақытта, полиция бөлімі қылмыстық істі тергеуге қайта оралды. Тергеу барысында жәбірленуші тарапынан айтылған барлық дәлелдер қосымша тексерілетін болады. Тергеу Абай облысы Полиция департаментінің бақылауында. Қарындасы айып таққан азаматқа хабарластық. Бірақ ол сұхбат беруден бас тартты. Білім басқармасының мәліметінше, басы дауға қалған тұрғын үш жыл бұрын ауылдағы мектептен жұмыстан шығарылған. Прокуратураға өтініш жолдадым деген облыстағы бала құқығы жөніндегі уәкіл Эльзира Жүнісова мәселені бақылауға алып, кәмелет жасына толмаған қызға психологтар көмек көрсеткенін жеткізді. -------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Біз барлық әлеуметтік желідеміз, тіркеліңіз: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
