БИЫЛ ҚАЗАҚСТАННЫҢ ХАЛЫҚ ӘРТІСІ ӘМИНА ӨМІРЗАҚОВАНЫҢ ТУҒАНЫНА 105 ЖЫЛ

Қазақ кино және театр өнерінде өзіндік қолтаңбасын қалдырған дарынды артист. Қазақ КСР Халық артисі, Қазақ КСР Мемлекеттік сыйлығының иегері, театр және кино актрисасы Әмина Өмірзақова. "Мені халыққа танытқан кино" деп өмірін өнерге арнап, бар қиындықты табандылығымен жеңе білген Әмина Өмірзақованың сахнада сомдаған рөлдері бір төбе, ал кино әлеміндегі образдары өз алдына бөлек әңгіме десе де болады. Актриса әртүрлі образы арқылы осы қазақ әйелінің шынайы бейнесін көрсете білді. Кинотанушы мамандардың айтуынша, оның өнері бірінші кезекте осынысымен құнды. Көпшілікке Тайлақтың анасы ретінде есте қалған Әмина Өмірзақова көзі тірі болғанда биыл 105 жасқа толар еді. Қанша қиын-қыстау заманды басынан өткерсе де, Әмина Өмірзақова – театр өнерінің шыңын бағындырған тума талант.