" Ұлы қобызшы Ыхлас Дүкенұлының ұрпақтары қашан қолдау табады" Жамбыл обл.Сарысу ауданы. 03.10.2025.

Жамбыл облысы Сарысу ауданы Шығанақ ауылынан 20 шақырым жерде Ұлы қобызшы композитор Ыхлас Дүкенұлының қабыры бар. 1972 жылы Ыхластың немересі менің анам Шырын Түсіпбекқызы атасының қабыры құммен көміліп қалмасын деп фотосуреттегі темір күмбезді орнатқан еді. Биылғы жылғы ақпан айының 28-ші жұлдызында Ыхлас ұрпақтары өз қаржыларына Ұлы қобызшының жатқан жеріне кесене тұрғызбақшы болып Жамбыл облысы әкімдігінің мәдениет және тілдерді дамыту басқармасы «Тарихи-мәдени ескерткіштерді қорғау және қалпына келтіру» дирекциясынына Сарысу аудандық әкімдігі арқылы шығады. Бақандай бес айдың көлемінде ешқандай тиянақты жауап алмаған соң нағашыларым мәселе көтеруді маған тапсырған болатын. Сонымен Саудакент ауылында өткен алты айлық есебі кезінде аудан әкімі Сәкен Мамытовқа кесене мәселесі туралы сұрақ қойған болатынмын. 27.08.2025. күні Саудакент ауылына аудан әкімінің орынбасары Ерлан Ермағанбетовпен жоғарыда аталған "Тарихи-мәдени ескерткіштерді қорғау және қалпына келтіру" мекемесінің басшысы Сауран Қалиұлы Қалиев ат басын бұрып облыстымыздың әр өңірлеоінен келген Ыхлас ұрпақтарымен кездесті. Қызу талқыға түскен мәселенің түйіні уақыт еншісінде екені байқалды. Осы кездесуден бір айдан аса уақыт өтті. Ыхлас ұрпақтары Сауран Қалиұлынан жауап күтуде Кездесу кезін видеотаспаға түсірген болатынмын. Қабыл алыңыздар.