Төр засаг гэрлээ унтраасан энэ цаг үед Ө.Даариймаа охин Монголчуудын зүрх сэтгэлд гэрэл асаалаа

Намайг хүн болгосон аавынхаа ачийг хариулахын тулд 16 настайдаа мөнгө цуглуулж, шинэ гэр авах мөрөөдлөө биелүүлсэн. Амьдрал хэцүү санагдсан ч аавыгаа бодож, илүү амжилттай ажиллаж, амьдрахыг хүсдэг Ө.Даариймаа охин 14 настайдаа ажил хийж эхэлсэн. Аавтайгаа хоёул амьдардаг. Аав нь гурван жилийн өмнө тархиндаа цус харваж, асаргаанд оржээ. Ө.Даариймаа охин аавыгаа асрахын хажуугаар ажил хийж, шинэ гэртэй болох мөрөөдлөө биелүүлэхээр мөнгө цуглуулж эхэлжээ. Улмаар аав охин шинэ өргөө цагаан шинэ гэртэй болж, тав тухтай амьдарч байна. Ө.Даариймаа охины мөрөөдөл айлын түрээсийн хашаанд биш өөрийн хашаатай болж, тэндээ байшин барьж аавтайгаа амьдрах мөрөөдөлтэй. Одоо тэрээр энэ мөрөөдөлдөө хүрэхээр ажиллаж эхэлснийг баяртайгаар дуулгасан юм. via цахиур.мн