Сыр сақтай алмайтын құрбылар. Құпияңды кімге айту керек?

Қазіргі қоғамның дерттерінің бірі – сыр сақтаудың, сыр алдырмаудың, сыр шашпаудың өте-мөте азайып кеткенінде болып отыр. Сыр – біреудің саған берген аманаты. Сырды сақтау – әз Пайғамбарымыздың (оған Алланың игілігі мен сәлемі болсын) асыл қасиеттерінен. Инсанның Жаратушысына құлшылық қылуы, ораза ұстауы, жасырын садақа-зекет беріп, тәспі-зікір етуі, бұның барлығы да көпшілікке жария қып шаша бермейтін сыр амал. Иманды жан рухани кемелділікке ұмтылғанда, ең бірінші, айналасындағы ағайынмен ара-қатынасын түзей бастайды. Ой түзелсе, сөз түзеледі. Сананы Жаратушының қалауына ырықтап, шығар сөзді имани ой елегінен өткізіп, салиқалыққа бой ұрған адам қай кезде де достары мен туыстарының жадында. Сөзге берік адамға достары сенім білдіріп, сұхбаттасып, сырын ашып жатады. Сол сырды сақтау - достық әдептерінің бірі. Алла Тағала Құранда: «...Сертті орындаңдар! Сөзсіз (қияметте) серттің де сұрауы бар!» - деп ескертеді (Исра сүресі, 34-аят). Жаужүрек баһадүр бабамыз Бауыржан Момышұлы: «Сырыңды ешкімге алдыртпа! Екі елі ауызыңа сыймаған сөз, өзгенің отыз екі тісінің арасына тіптен сыймайды» - деп адамның өзінің сақ болуын ескертеді. Осы ретте сырласудан бөлек, ішкі сырыңды сақтай білу де маңызды істерден екенін ескере жүрген абзал.Сырға берік, сөзге бекем болайық! #сыр #секрет #өсек "Сырласайық" қыз-келіншектер бағдарламасы | TALIM TV Егер сізге видеомыз ұнаса міндетті түрде лайк басып, төменде пікіріңізді білдіріңіз! Сондай-ақ, "Подписаться" басып, каналымызға тіркеліп қойыңыз! Сырыңды ешкімге айтпа!    • Сырыңды ешкімге айтпа! | #секрет #сыр   Күйеуіммен сырласа алмаймын    • Күйеуіммен сырласа алмаймын | #әйел