АНА ТУРАЛЫ. Ырғыз / Ақтөбе. Ұрқия Әбуқызының 70 жас мерейтойынан бейнеролик. Ақтөбе қаласы, 2019 ж.

АНАМЫЗДЫҢ МЕРЕЙТОЙЫ ТОЙЛАНСЫН!.. Алланың қалауымен қарашаның 30-ында Анамыздың 70 жасқа толуына және кенже баласы Дананың жоғары оқу орнына түсуіне арналған Сәрсенбайұлы Хамидолла әулетінің тойы болды. «Рухани сусындап қалдық», «көпке дейін айтып жүретіндей той болды» деген сөздерді алыс-жақыннан келген қонақтар кейінірек хабарласып айтып жатты. Өзіміз де қонақтарымыздың ризашылықпен тарқағанына бір марқайып қалдық. Тойда ұлттық құндылықтарға басымдық берілді. Тойшы қауымды рухани сусындатқан алдымен Қазақстанның халық артисі, қазақ халқының маңдайына біткен жауһары, халықтың сүйікті әншісі Мақпал ЖҮНІСОВА болса, сонымен қатар бүгінгі дәстүрлі әншілердің ең үздік өкілінің бірі, әрі бірегейі, Біржан сал, Үкілі Ыбырай, Ақан сері, Балуан шолақ, Сегіз сері, Жаяу Мұсаның әндері мен халық әндерін жоғары деңгейде шырқап, қазақтың дәстүрлі әнін зерттеуші, ән тарихын тыңдаушыға насихаттаушы, төрткүл дүниенің өнерсүйер қауымын рухани ләззатқа бөлеп жүрген дәстүрлі әндердің дарабоз орындаушысы, ҚР Еңбек сіңірген қайраткері, күміскөмей әнші Ерлан РЫСҚАЛИ және руханият тақырыбы қозғалғанда Ақтөбе интеллигенциясының алдымен еске түсетін өкілдерінің бірі – ақын, сазгер, театр актеры, әнші, ҚР мәдениет саласының үздігі Орал-Қосай БАЙСЕҢГІРДІҢ той басқаруы, ҚР Мәдениет саласының үздігі, танымал күйші Бақытбек ЗЕЙНЕЛОВТІҢ жетекшілігіндегі «ДОСТЫҚ САЗЫ» фольклорлық ансамблінің тойды қазақтың сиқырлы сазымен әрлеуі, ФРЕСКИ шоу-балетінің мың бұралған бишілерінің той төрінде өрнек салуы, Париж сахнасында ән салған ырғыздық жыршы-термеші Қоянбай ТОБАҒАБЫЛОВТЫҢ Нұрталап ЖҮСІПОВ пен Серғали ҚОБЛАШОВТЫҢ «Ырғыз толғауын» шырқауы, ақтөбелік жезтаңдай әншілер Динара ШЫНАРБАЕВА, Сезім ОРАЛҚЫЗЫ, Нұргүл ТІЛЕГЕНОВАЛАРДЫҢ шарықтата ән салуымен, жиеніміз Димаш ЕРКІНҒАЛИҰЛЫНЫҢ күмбірлеткен күйлерімен жалғасып, Қуаныш АХМЕТОВТЫҢ өлеңіне жазылған Ырғыздың, Ақтөбенің Шәмшісі атанған әнші, сазгер Нұрталап ЖҮСІПОВТЫҢ «Жарқыра, жайна, туған жер ЫРҒЫЗ» атты Ырғыздың ұран әнімен қорытындыланды. «ЮРТА» мейрамханасының ұжымына, ERSAIN видеостудиясы мен ANAPINPHOTO фотостудиясына алғыс білдіреміз. P.S. Хамидолла әулетінің ұрпақтары мен жиендердің әжесіне екі тілде тілек айтуы не себепті деп ойлайсыз?)