Хамгийн залуу генерал 38-тай

БНМАУ-ын Ардын сайд нарын зөвлөлийн 1944 оны 4 дүгээр сарын 28-ны өдрийн 52 дугаар тогтоолоор анх Ю.Цэдэнбал, Ж.Лхагвасүрэн тэргүүтэй 11 хүнд анх генерал цол олгосон байдаг ажээ. Түүнээс хойш нийтдээ 160 алтан мөрдөстөн төрснөөс 82 нь амьд сэрүүн байгаа юм. Нийт генералуудын дотор Улсын маршал 3, Армийн генерал 1, Хурандаа генерал 8, Дэслэгч генерал 18, Хошууч генерал 105, Бригадын генерал цолтон 13 байдаг байна. Дашрамд сонирхуулахад хамгийн залуу генерал нь 38 настай Мотобуудлагын тусгай бригадын захирагч бригадын генерал Л.Онцгойбаяр бөгөөд 1944 онд Юмжаагийн Цэдэнбал 28 насандаа дэслэгч генерал болж байжээ.