Аударылған көлік, төбелескен жастар: соңғы қоңырау биыл қалай «тойланды»?
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Соңғы қоңырау шарасын шектен тыс тойлаған түлектер биыл да шет қалмады. Әсіресе Маңғыстау, Алматы, Жамбыл облысының жастары ерекше көзге түсті. Ақтауда 100-ге жуық көлік айыптұраққа қойылса, топ болып төбелескен оқушылардың ата-аналары көптен кешірім сұрап тынды. Ал Жамбыл облысында жас түлек мінген көлік аударылып, жүргізушісі қаза тапты. Әріптесім Нұрадин Рақай соңғы қоңыраудың салдарын сабақтайды. --------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Бүгінгі шығарылымда: Жас түлектердің жарыса кортеж ұйымдастыруы жазылмаған заңдылыққа айналғандай. Бұл күні еліміздің бар аймағында дабылын қосып даңғаза, басын шығарып бақырып, қиқу салып жүрген көліктен көз сүрінді. Көптігі мен көліктерінің қымбаттығы жағынан Маңғыстау көш бастады. Бірақ бір сәттік қызығушылықтың арты ата-аналарының қалтасын қақты. 100-ден астам көлік айыптұраққа қойылды. Мұндай жағдай Түркістан, Алматы және Жамбыл облыстарында да қайталанды. Өкінішке қарай, жас түлек отырған осындай көліктің бірі аударылып 21 жастағы жүргізуші қайтыс болды. ҚҰНДЫЗ БӨГЕНБАЕВА, Жамбыл облыстық полиция департаментінің ресми өкілі: – Анықталғандай 21 жастағы азаматша рөлге ие бола алмай жол жиігіне аударылған. Салдарынан оқиға орнында жүргізуші қаза тапты. Жолаушылары 20, 17 жастағы тұрғындар жәні 11-сынып бітіруші түлек ауруханаға жеткізілген. Ал Маңғыстаудағы Бейнеу ауданы Боранқұл ауылының жастары топ болып төбелесіп 47 бала қамауға алынды. Ұлдарының бұзақылық әрекеті үшін ата-аналары көпшіліктен кешірім сұрады. Ал Алматыда мектеп бітірген қос құрбы қызық үшін ер баланы тепкілеген. Кейін бұл бейнежазбаны парақшасына жүктеген. Бойжеткендердің жеке басын анықталып, тергеу басталды. 25-мамыр күні қаз-қатар тізіліп жарысып, жол ережесін бұзған көлік жүргізушілері түгел айыппұл арқалапты. ШЫҢҒЫС ӘЛЕКЕШЕВ, ҚР Ішкі істер министрлігінің ресми өкілі: – Ескертулерге қарамастан бірқатар өңірлерде мектеп бітірушілердің қатысуымен құқық бұзушылықтар тіркелді. Алматы және Шымкент қалаларында, Алматы және Түркістан қалаларында жол жүру ережесін бұзу фактілері анықталды. Барлығы әкімшілік жауапқа тартылды. Осылайша, шектеуге қарамастан есте қалардай есер әрекет биыл да әр жерден болды. Әр түлекке бір полицейді байлап қоймай, мұндай жағдайдарды мүлдем болмауы мүмкін емес сыңайлы. Бірақ бас-басына полицей жетпейтіні тағы анық. --------------------------------------------- Біз барлық әлеуметтік желідеміз, тіркеліңіз: Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
