«Бейбарыс сұлтан» тарихи спектаклі

Жанры: тарихи драма авторы: Р.Отарбаев Қоюшы режиссері: Ю.Ханинго-Бекназар, Қоюшы-суретшісі: Е.Тұяқов, Балетмейстер : Г.Мұхамеджанова Музыкамен көркемдеуші :Е.Есенбаев Режиссердің ассистенті: М.Дүнгешов Дешті қыпшақ ұланы, он жасында жетім қалып, құлдыққа өзге елге сатылып кеткен Сұлтан аз-Захир Бейбарыс (1223-1277) - құлдан Мәмлүк мемлекетінің ойлы да кемеңгер билеушісі дәрежесіне дейін көтерілген тұлға. Өз өмірінің жарқын 17 жылын Мысыр елін гүлдендіруге арнаған, тағдыры өте күрделі, қарама-қайшылықты және мазмұнды тұлға. Қаншалықты биік атақ-даңқ пен аса зор билік әлеуетіне ие болса да Бейбарыс бабамыздың жүрегін мәңгілік бір сағыныш сыздатып өткен.Туған ел-жеріне, сайын даласына, жусанның ашқылтым иісіне деген сол сағыныш – спектакльдің де негізгі лейтмотиві. «Өзге елде сұлтан болғанша, өз еліңде ұлтан бол» дегенді халық бекер айтпаса керек...