Өткен аптада Кеген ауданындағы Қарабұлақ, Жылысай, Ұзынағаш ауылындағы егістік алқапта қара құрт қаптады. Зиянкестер үш ауылдағы 50 гектар егістікке зиянын тигізген. Көбеюі тоқтамағандықтан шаруалар бірден дабыл қақты. Нәтижесінде ауыл шаруашылығы министрлігіне қарасты агроөнеркәсіптік инспекция басшылығы мен республикалық фитосанитариялық диагностика және болжамдар әдістемелік орталығының мамандары келіп зерттеу жүргізді. Нәтижесінде зиянкестердің рапс жапырақ жемірі екенін анықтады. Карантиндік шара қолданудың қажеті жоқ екені белгілі болды.
