Жаңақорған: Ауылдағы ілгері істер мен жаңа мүмкіндіктер

#qyzylordatv Жаңақорған – тірлігімен түлеп жатқан өңір. Ауданға қарасты ауылдарда атқарылып жатқан жұмыстар мен жаңашыл жобалар елді мекендердің даму қарқынын көрсетеді. Бұқаралық ақпарат құралдарының өкілдері арнайы ұйымдастырылған пресс-тур барысында ауыл өмірінің бүгінгі келбетін көзбен көріп, таспалап қайтты. НАЗИРА АЛМАС – ТІЛШІ Жайылманың қарбызы – жай ғана жеміс емес, шілденің шуағымен, жер-ананың нәрімен піскен нағыз табиғи бренд. Ал ішін жарсаңыз – қып қызыл, дәмі – бала күннің бал шырындай. Осындай әрбір қарбызда – диқанның төккен тері, күннің нұры мен топырақтың тылсым қуаты бар. Жайылманың қарбызы 2018 жылдан бері бренд ретінде тіркеліп, шетелге экспортталып келеді. Биылдың өзінде маусым айының жиырмасынан бастап, Ресейге 1500 тонна қарбызды жөнелтілген. Диқан қауым да қарбызды ерте пісірудің жолдарын жақсы меңгерген. Сол диқандардың бірі – жеті баланың әкесі Ырыскелді Кекілбаев. Ересек балаларымен бірге ала таңнан алқапқа келіп, қарбыз күтіміне кіріседі. Оның айтуынша, бұл да кішкентай бала секілді ерекше күтімді қажет етеді. ЫРЫСКЕЛДІ КЕКІЛБАЕВ – ДИҚАН Мамырдың 10-на дейін егіп тастаймыз. Әртүрлі су ішеді. Бұл да бала сияқты «қырық күн шілдеден шығару» дейді бұны да солай жасаймыз. Бала-шағаммен таңғы бесте, алтыда келеміз суарамыз, отағын жұламыз, пәлегін қайырамыз. Күн ысымай жұмысымызды бітіріп, үйге қайтамыз, кейін кешкі салқынмен келіп тағы жұмыс істейміз. Ал Қыраш ауылының тұрғыны Индира Сұлтанбекова – қазақ тілі мен әдебиеті пәнінің мұғалімі. Жолдасы да білім саласында еңбек етеді. Екеуі де ұстаздықпен қатар, кәсіпкерлікті қатар алып келеді. Отбасы кір сабын өндірісін жолға қойған. Былтыр «Ауыл аманаты» бағдарламасы арқылы 2,5 пайыздық мөлшерлемемен 6 миллион теңге несие алып, кәсібін бастаған. Қазір күніне 100-200 дей сабын шығарады ИНДИРА СҰЛТАНБЕКОВА – КӘСІПКЕР Кәсіпті игеру аясында «Ауыл аманаты» бағдарламасы көп көмек етті. Құжаттардан шәмәлі-шәмәлі қиындықтар болды енді арасында күліп өтіп кеттік. Ондай өмір болғасын болады ғой. Бұл сабынан ешқандай қалдық қалмайды. Бізге керекті ауылда тұратын болғанан кейін малдың ішімайы, фастфуд тамақтарын жейді балалар көп солардың қалдық майы қап-қара болған. Тағы басқа қоспалар қолданалыды. Тұтынушылар жақсы қабылдап жатыр. Совесткий кездегі сабындар сияқты деп қабылдап жпатыр. Қандай қуанасың сол сөзгеде төбең көкке бір елі жетпей қалады Құттықожа ауылында Ержан Қонысов – демалыс орнын ашып, ауыл халқының алғысына бөленіп жүр. Аптап ыстықта сая болатын бассейннің ашылғанына көп болмаса да, келушілердің қарасы қалың. Жақын маңайдағы елді мекен тұрғындары үшін де бұл – таптырмас тынығу орны. ЕРЖАН ҚОНЫСОВ – КӘСІПКЕР 6 шілде күні ашылу салтанаты болды. Көпшілікпен жұмыс істеу оңай емес, бір-екеуінен ұрыс естиміз, жүз шақтысынан алғыс аламыз. Бұнымен тоқтап қалмаймыз, жабық бассейн салу, банямыз жалпы бітіп тұр әлі іске қосқан жоқыз. 4 кабинка банямыз бар, 19 тапшанымыз бар, 6 орындығымыз бар, ал аржағында вип деп айтамыз ғой оңашалау отыру ол жерде 5 тапшанымыз бар. Еңбек бар жерде – береке бар. Кейіпкерлеріміздің бірі жерден несібесін жиса, бірі кәсіп бастайды, енді бірі қызмет көрсетіп, халыққа жағдай жасайды. Маңыздысы – қолда барды ұқсатып, ауылда отырып-ақ үлкен іске кірісуге болатынын дәлелдеу. Сайт -
Facebook -   / qyzylordatv   Instagram -   / qyzylordatv   Telegram -
Tiktok -  / qyzylorda_tv