Chadak (3539 m) va Padar (3564 m) choʻqqilari | Чадак ва Падар чўққилари

36 километрлик машаққатли пиёда юриш. Жами 3255 метр юқорига кўтарилиш. Маҳобатли 2 та чўққи. Кундузи 40 даражали иссиқда куйиш ва тунда 2 даражали салқинда совқотиш. Кечаси айиқлар орасида тунаш. Ташналик азобларию, қор эритиб, сув чиқаргандаги хурсандчиликлар. Таҳликали тоғ йўлларидан чиқиб, чўққига чиққандаги роҳатни туйиш. Юқоридан пастга боқиб, биз яшаётган олам, ундаги ҳаётимиз қанчалар кичик ва майда эканини тафаккур қилиш… Навбатдаги сафарим мана шундай унутилмас хотиралар билан ёдда қолди.