ЖӘҢГІР ХАН ДӘУІРІНЕН ҚАЛҒАН ЖӘДІГЕРЛЕР КӨЗДІҢ ҚАРАШЫҒЫНДАЙ САҚТАУЛЫ
ЖӘҢГІР ХАН ДӘУІРІНЕН ҚАЛҒАН ЖӘДІГЕРЛЕР КӨЗДІҢ ҚАРАШЫҒЫНДАЙ САҚТАУЛЫ Батыстың бас қақпасы Оралдан әрідегі Бөкей Ордасы сонау 19 ғасырда даңқты Жәңгір хан дәуірінен қалған жәдігерлерді әлі күнге шаң тигізбей көздің қарашығындай сақтап келеді. Жәдігер болғанда, ұстайтындай ұсақ-түйек емес. 1828 жылы Жәңгірдің өзі салдырған Хан ордасы, қазіргі тілмен айтқанда, резиденциясы. Ай белгілі ақ мешіт. Қару-жарақ музейі. Оқу ошақтары. Банк. Баспахана. Дәріхана. Мұның бәрі қазақ даласында ең алғаш Жәңгірдің ықпалымен ашылған ғимараттар. Жасыл желегі жайқалған қарағайлы орман. Мұны да Бөкейдің ұлы хан Жәңгір шыбық кезінен өзі отырғызған. Өте әсерлі. Тек тарихи топырақты көзбен көріп, көңілмен сезіну керек. Мысалы, шекарадағы бұл мекенге Елбасының өзі екі рет барған.