Түркістан облысында тас жолдың бойынан 16 жастағы бойжеткеннің мәйіті табылды

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal   --------------------------------------------- Ақтаудағы ұшақ апаты -    • Ақтаудағы ұшақ апаты   Бишімбаев ісі -    • Бишімбаев ісі   Су тасқыны бойынша барлық ақпарат -    • Су тасқыны // Төтенше жағдай   Жұмбақ өлімдер -    • Жұмбақ өлім   Бүгінгі шығарылымда: Түркістан облысы Төрткүл ауылында студент қыздың мәйіті табылды. 16 жастағы бойжеткеннің денесін тұрғындар тас жолдың бойынан көріп, полиция шақыртқан екен. Ал Немолчи қорының өкілдері жасөспірімді бірнеше адам зорлап, артынша ажал құштырды деп отыр. Қазір полиция күдіктіні қамауға алған. Тұрғындар қолына кісен салынған атпалдай азаматтың наубайханада жұмыс істегенін айтады. Аядай ғана ауылды дүр сілкіндірген қанды қылмыстың мән-жайын әріптесім Назерке Үкібасова білген еді. Төрткүл ауылының тұрғындарынан төрт күннен бері маза кеткен. Халықтың айтуынша, бесінші маусымда отбасылық дүкенде жұмыс істеген 16 жастағы қыз ұшты-күйлі жоғалып кеткен. Бойжеткенді іздестіру жұмыстарына ауыл жұрты жұмыла кіріскен. Тек таңғы уақытта ғана еріктілер қыздың телефоны мен сөмкесін көріпті. Көп ұзамай тас жолдың бойында орналасқан балабақша маңынан студенттің денесі табылған дейді куәгерлер. БАЛАБАҚША КҮЗЕТШІСІ: Қайтыс болғасын қарайған милициялардың осы жерде толып тұрғанын көрдім. Осы маңайда болған. Осы жерлерді милициялар қоршап тұрғанын көргенмін. Қасына келген жоқпыз. Анау жерде көрдім сыртынан. Ол кезде сменде емес едім. Қара жамылған отбасы сұхбат берген жоқ. Белгілі болғандай марқұм үйіндегі бес баланың кенжесі екен. Ол Шымкент қаласындағы медициналық колледждің бірінші курсында оқыған. Тұрғындар қайғылы оқиға күні студент қыз ауылға келіп, әке-шешесіне қолғабыс ету үшін дүкенге шыққан дейді. Ауыл жұрты күдікті де алыстан келмегенін айтады. Сөздеріне сенсек, ол дүкен маңындағы наубайханада жұмыс істеген. НҰРЛАН САПАРОВ, Төрткүл ауылдық округінің әкімі: Қазіргі таңда ол іспен құзырлы органдар айналысып жатыр. Ол қыз енді Төрткүлдің қызы. Мед колледжде Шымкентте бірінші курс студенті. Күдікті ретінде кім ұсталғанын біле алмаймыз. Бір азамат ұсталды. Патрульдік службалар жүріп жатыр күнделікті кешкісін. Дүкендерді қадағалап жатыр қазір. Кафелерді қадағалап, қатаң түрде жұмыс жүріп жатыр. Қайғылы жағдай бойынша қылмыстық іс қозғалып, күдікті қамалды. Немолчи қорының мәліметінше, марқұмды зорлап артынша азаптап өлтірген. Қанды оқиғаның жай-жапсары енді тергеу барысында белгілі болмақ. --------------------------------------------- Біз барлық әлеуметтік желідеміз, тіркеліңіз: Бізді әлеуметтік желіде оқыңыздар: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   WhatApp -
TikTok -
Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық