Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Жыршының өмірбаяны Мен, Есмағанбетов Мұхамедияр 1920 жылы 20 наурызда тудым. Албарбөгет жеті жылдық мектебінде оқып, жеті жылдық мектепті 1940 жылы аяқтадым. Менің ән салуыма, өлең айтуға себепші болған туған нағашым Бәйменұлы Ділдабек еді. Ол кісі өлең шығаратын әрі әнге қосып айтатын. Майданға шақырылып, хабарсыз кетті. Мен Наушабайұлы Нұржанның термелерін, Ахметбекұлы Нұрханның «Қарға», «Есімсері» қиссаларын, Құдайбердіұлы Шәкәрімнің «Қалқаман – Мамыр» қиссасын, басқа да шығарма-өлеңдерін халыққа айтып, жеткізіп, насихаттап отырдым. Ақындар айтысына қатынасуға үлгі берген тұлғалар Нұрхан, Ахметхан, өзіміздің ауылдың тумасы Серікұлы Серғали, ақын әрі шығармашы Бектемісов Назарбек еді. 1967 жылы мен өзіміздің Совхоз бөлімшелері арасында додаларға жиі қатысып, өнерімді шыңдай түстім. 1959 жылы Әсіпов Сапабектің бастамасымен Алматыға шақырту алдық. Әбіқаев Ахметхан, Мырзахметов Қабижан, Әбеуов Теміржан, ортамызда Нұрхан Ахметбеков ақынымыз бар. Барған сапарымыздағы ақындар айтысын теледидардан көрсетті. Нұрхан Ахметбековтың 90 жылдығында сол өткен жылдар бейнесін теледидардан көрсетті.
