Бәріңізге Ассалаумағалейкум Орталық Азия президенттерін не күтіп тұр? Елді бес ақ жыл басқарып, биліктен кеткен басшы туралы не дейміз? Автобуспен жүріп, огород суаратын президент кім? Ливиялықтар таптап, қазақтар мақтаған Муаммар Каддафи қай жерден қателесті?! Халқын егеуқұйрыққа теңеуге не себеп болды?! Бұл туралы сұмдық ақпараттарды сізге Білген дұрыс Иранның экс-президенті Махмуд Ахмадинежад халықтың есінде ерекше көшбасшы ретінде қалды. Саясаткер 2005-2013 жылдар аралығында ел биледі. Ол халыққа жақын болуға, тұрғындардың қажеттіліктері мен талаптарын түсінуге тырысты. Махмуд Ахмадинежад - өте қарапайым адам. Басшы жұмысқа автобуспен барып, кез келген адам сияқты жол ақысын төлейтін еді. Ол ел басқарған шақта жұбайы көптеген қарапайым әйелдер секілді білім беру мекемелерінің бірінде еден жуушы болып жұмыс істеген. Бірде американдық журналист президенттен «Айнадағы бейнеңізден кімді көресіз?»-деп сұраған. Сонда Махмуд «Айнадағы бейнеме үнемі «Халықтың құлы екеніңізді ұмытпаңыз» деп айтамын»,- деп жауап беріпті. Расымен де, Ахмадинежад бұл ұстанымды берік ұстанды. Басшы қызметке кіріскен алғашқы күннен бастап ел тұрғындарын таңғалдырумен болды. Ол ең алдымен жұмыс бөлмесіндегі барлық қымбат парсы кілемдерін мешітке беруді бұйырып, өзі кәдімгі арзан төсеніштерді төсеуге шешім қабылдады. М.Ахмадинежад ел билеген шақта профессорларды ерте зейнетке шығарды. Биліктің түсіндірмесі бойынша, бұл жастарға жол беру үшін жасалған. Ахмадинежад осы жағынан ұтымды жол тапты. Кәрі-құртаңдардың көзін құртып, билік басын албырттық көңілі алаулап тұрған жастардан құрай білді. Ол басқа елдердің мақтабастарындай мансапқорлыққа салынған жоқ. Англия мен Франция корольдігінің сарайын сатып алатындай дүниеқоңыздықпен ауырған жоқ. Махмуд Ахмадинежадтың тек 1977 жылғы ескі Peugeot көлігі мен әкесінен қалған шағын үйі ғана болды. Басшы басқа шенеуніктерді де бақылауда ұстауды жөн көрді. Экс-президенттің басшылығымен министр қызметіне кіріскендердің барлығы «байымаймын» деген қағазға қол қойды. Сондай-ақ, олардың туыстарының есепшоттары да мұқият тексеріліп отырды. 2013 жылы отставкаға кеткеннен кейін, Махмуд ақша үшін емес, халықтың игілігі үшін жұмыс істедім деп президенттің арнайы зейнетақысынан бас тартты. Қазіргі таңда ол университетте дәріс оқып, жалақысына өмір сүруде. Бос уақытында қой бағады. Ойлап қараңызшы. Бар болғаны 8 ақ жыл билік басында болды. Сүйкіммен келді, сүйкіммен кетті. Тақ пен тәжді әппақ сүттей ардақтай білді. Ашытып та, ірітіп те алған жоқ. 8 ақ жыл. За то тарихқа тағылымы мол тамаша із қалдырды. Мейлі сіз идеал басшы болыңыз, мейлі халықтың ауызын аққа жеткізіп, ішкенін алдында ішпегенін артында қылыңыз. Бірақ билікке супер клейдей жабысып алудан асқан ауру жоқ. Қанша қадірлі болам десең де, елден сиқың, базардан құның қашады. Оған жалғыз ғана Муаммар Каддафи дәлел. Қанша халықшыл болғанымен, диктаторлық жүйенің құрбаны атанғаны үшін басына тозақ орнады. Ливияның басшысы сол Муаммар Каддафи кісі қолынан қалай өлгенін де есімізден шығарғанымыз жоқ. Жендеттер оны тұрбада тығылып жатқан жерiнен суырып алып итше тепкiлеп, артынан басынан атып тастады. Кезiнде Саддам Хусейннiң қалай өлтiрiлгенiн көрiп едiк, оны дәл Каддафидей қорлаған жоқ. Көзiнiң тiрiсiнде де, өлгеннен кейiн де тобырдың қолына түспедi. Саддам Хусейн сөз болғанда жұрт оның көзi байлаулы күйiнде дар ағашының алдында тұрғанын есiне алады. Ақ өлiм емес, әрине. Десе де, Саддам Хусейн Муаммар Каддафиден бақытты екен... Сол кездері Каддафидiң денесi де біраз уақыт көмілмеген болатын. Қан-жоса мәйiттi Мисурата қаласындағы бiр дүкеннiң тоңазытқышына салып қойып, жұртқа көрсетiп жатты. Ал жергiлiктi халық дәп бiр баяғыдағы Лениннiң Қызыл алаңдағы бейiтiн көру үшiн кезекке тұрғандай бiр-бiрлеп кiрiп, Каддафидiң мәйiтiн тамашалап жүр. Жұрт ұлан-асыр. Не үшiн мәз болатынын өздерi де бiлмейтiндей. Рас, жарты ғасырға жуық уақыт елдi билеген Каддафиден әбден жерiген. Бiрақ, мұншама қуануға себеп жоқ. Аса бай мемлекеттердiң бiрi Ливия аз уақытта жарты ғасырға керi шегiндi, қалалары қирап қалды, бiрнеше мың адам оққа ұшты, жұрт қару жастанып ұйықтайтын жағдайға жеттi, бүтiн бiр ел бассыз қалды... Толығырақ видеода!