Сайт использует сервис веб-аналитики Яндекс Метрика с помощью технологии «cookie». Пользуясь сайтом, вы даете согласие на использование данной технологии.
Отабек Нуриддинов Асака тумани адирлигидан 220 гектар ер олиб ўрмонзорга айлантиришга астойдил бел боғлади. Лекин ҳали оғзи ошга етмай ер солиқлари туфайли адирнинг 175 гектарини топшириб ҳам юборди. Бир неча ой ичида 2 гектар ерни кўкаламзорлаштиришга улгуриб, эндиликда бутун қирликни яшилликка буркамоқчи. Адир тепасига уй қуриб, оиласини кўчириб келди. Километрлаб масофадан сув келтирди. Янги барпо этилётган ўрмонга павлония, тол, эман, қайрағоч ва яна бир неча турдаги дарахтларни эккан. Дарахтлар айни пайтда кўм-кўк тусга кирган. Қаҳрамонимиз олдидан чиққан тўсиқларни мардонавор енгиб ўтмоқда. Аммо, баъзан бу тўсиқларни енгишга ёлғизлик қилмоқда ёки қурби етмаяпти. Унга мадад керак. Хусусий ўрмон тўғрисида ҳали қонунчилигимизда етарли қонунлар йўқ экан... Асосий гапларни кўрсатув ичига жойладик. Андижон вилояти ҳокимлиги ва вилоят Экология бошқармаси раҳбарларидан хайрли ишга қўл урган тадбиркорга эътибор қаратишларини сўраймиз. Зотан, у бошлаган ишнинг фойдаси асосан халққа ва давлатга тегади.
