VIDEO
Өнөөдрийн та бүхэндээ хүргэж буй жор маань үнэхээр өөрийн биеэр өөрийн хичээл зүтгэлээр өөртөө өөрчлөлт шинэчлэлтийг мэдрэхийг хүссэн бүхэнд зориулав. Урин цаг ч ойртож бие сэтгэлээ хөнгөлөхийг хүсэж буй бүхэн тууштай 5 өглөө хийгээд уухад гэдэс хөнгөрөх мэдрэмжийг зайлшгүй мэдрэх боломжтой. Миний хувьд өглөөний цай уух хүсэлгүй дадаагүй нэгэн байсан. Өглөөний цайтай холбоотой цусан дахь сахар хэлбэлзэн ядрал, сэтгэл санааны байдал, таргалалтад нөлөөлдөг талаар суралцаад өглөөний цай тогтмол уухаар зорьж олон жор туршиж явсаар энэхүү супер, хийхэд хялбар, шим тэжээлээр бялхсан смүүтиг ихэнх өглөөдөө хүртсэнээр өөрийн бие дээрээ олон сайн мэдрэмжүүдийг мэдэрснээс охиноо гаргасны дараах илүүдэл жин тэр тусмаа хэвлийн хэсэгт нөлөөлж 2 нялх хүүхэдтэй завгүй ээж надад өглөөдөө ихээхэн хэмжээний шим тэжээлээ авсандаа сэтгэл амар байж биед гарч буй эерэг өөрчлөлтүүддээ урамшиж байсан. Өвлийн улиралд байнга хэрэглэхэд тохиромж муутай хүсэл их төрдөггүй байсан ч хавар цаг хаяанд ирж шинэ ногоо ургамал элбэгших цагт яалт ч үгүй миний шилдэг сонголт минь байдаг билээ. Америкийн шим судлалын хүрээлэн 2019 онд тайлагнахдаа Америкийн хувьд жилд 82,000 хүн хангалттай нарийн ногоо хэрэглээгүйтэй холбоотой зүрх судлалын өвчлөлөөс болж нас барж, жимсийн хэрэглээ дутмаг байдлаас болж 57,000 хүн амь насаа алддаг. Дэлхий дахинд энэ үзүүлэлт 2,8 сая хүн хангалтгүй жимс ногоо хэрэглээгүйгээс харвалт болон зүрх судасны өвчлөлөөр амиа алдсан гэсэн байдаг. Тиймээс энэхүү эрсдэлээс та өөрийгөө болон хайртай хүмүүсээ хамгаалахыг хүсвэл өдөрт багадаа 300гр жимс - ойролцоогоор 2 алим, 400 Грам нарийн ногоо зүйрлэх юм бол 3 аяга нарийн ногоо идэх нь зохистой гэж үздэг. Бидэнд ногоо жимс идэхгүй байх олон шалтаг, шалтгаан, ойлголт, айдсууд байдаг. Ногоо идэхгүй байхаар бусад идэж буй зүйлсээ бодоод дүгнэлт тавих байх. Зөв зоогло, сайхан амьдар сургалтаараа энэ зориур ойлголтуудын талаар маш олон талаар ярилцаж өөрсдийгөө чөлөөлөх боломжийг олгодог билээ. Аав ээж асран хамгаалагч бид л идэж байж үрс маань иддэг болно. Асуух зүйлс байвал харамгүй асуу чадлаараа хариулна. Азаагийн булан төвөөр зорьж ирээд уулз асуу... Энэхүү жор нь олон нийтэд зориулсан болохыг анхаарна уу. Ямар нэг өвчлөлтэй жирэмсэн эхчүүд маань эмчтэйгээ зөвлөлдөөрэй. Хоол боловсоруулах эрхтэний доголдолтой бол түүхий ногооны хэрэглээ бус илүү чанаж болгосон ногоо дэмжих болно. Мөн уламжлалт аргаар хий ихэдсэн шинжтэй бол түүхий ногоо их хэмжээнд хэрэглэх тохиромжгүй болов уу. Тус тусын эмчтэйгээ зөвлөлдөөрэй. Өөрөөр бол тууштай туршаад үзээрэй. Өөрийгөө сонсоод мэдрээд хайрлаад ок. Энэхүү бичлэг дээрээ хүний биеийн хүчил шүлтлэгийн талаар багахан мэдээлэл оруулсан байгаа. Энэ талаар сургалт дээр бас дэлгэрэнгүй ярилцдаг. Энд бас багахан дурдъя гэж бодлоо. Хүний биеийн 70 орчим хувь нь шингэнээс тогтдог. Бие дэх шингэний орчин pH (п аш буюу хүчил шүлтлэгийг хэмжигч нэгж) нь 0-7-с хооронд бол хүчиллэг, 7-14 ийн хооронд бол шүлтлэг орчин үүсэх бөгөөд саармаг буюу тохиромжтой pH төвшин нь 7,3 байна. Хүний бие хүчил шүлтлэгээ тэнцвэртэй байлгахыг маш ихээр хичээдэг учир нь хэт хүчиллэг орчинд олон төрлийн өвчин үүсэх нөхцөлийг бүрдүүлдэг ба шүлтлэг орчинд өвчин орших боломжгүй хэмээн үздэгтэй холбоотой мөн бодисын солилцоо болгох явагдахад фермент оролцдог ба ph 7.3аас эхээр хэлбэлзэхэд ферментүүд маань ажиллах боломжгүй болдог. Бидний биеийн шингэний (цус, шээс) ph нь олон зүйлсээс нөлөөлдөг ч өдөр тутамдаа хэрэглэж буй хоол хүнс, уух зүйлстэй нягт холбоотой. Харин энэхүү тэнцвэрийг дэмжихийн тулд илүү шүлтлэг шинжтэй хоол хүнс мөн цэвэршүүлсэн шүлтлэг усыг хэрэглэх нь эерэгээр нөлөөлнө. Жирийн усны ph 7 болон түүнээс доош хүчиллэг талдаа байдаг бол шүүж шүлтлэгжүүлсэн усны ph 8-9 буюу илүү шүлтлэг байдаг ба шүлтлэг хоол хүнсэнд олон төрлийн нарийн ногоо, тэр дундаа гүн ногоон өнгийн ногоонууд мөн жимс жимсгэнэ ордог. Эдгээр шүлтлэг хоол хүнс болон усанд бидний биед нэн шаардлагатай Na, Mg, K, Ca зэрэг эрдэсүүд агуулдаг ба энэ нь хүчил шүлтлэгийн тэнцвэрийг дэмжихэд нөлөөлдөг мөн цусан дахь хүчиллэгт жийрэг болж эрүүл эд эсийг хамгаалж биед эрдсүүдийн тэнцвэрийг хадгалснаар эрүүл байдлыг дэмждэг билээ. Мэдээж та бүхэн нэг удаагийн хуванцар сав баглаа боодол хэрэглэхдээ зохистой байдлаар хуримтлуулж эргэн хэрэглэх дайвар болгох боломжийн эрхэмлээрэй. За нэлээд нуршчихлаа Ойрд нэг л халшрах шинжтэй байх гээд байдаг болж.... Гэхдээ миний та бүхэндээ эрүүл мэндийн цэгцтэй мэдээллийг эвтэйхэн ойлгомжтой, олон талаас нь ойлгуулахыг зорьж, амьдралдаа хэрэгжүүлэх алхмуудыг тань хялбарчлахыг хичээж буй үйлийг минь дэмжин тэтгэдэг та бүхэндээ сүпер шүү. Зөвхөн өөрийн биш ирээдүйн гэр бүл үр хүүхэд сайн сайхныхаа төлөө бид яг одоо л хичээж хийж хэрэгжүүлэх цаг нь шүү. Амжилт Миний ажлыг үргэлжлүүлэн дэмжин ажилласан Vitafit компани PH8.5 усны хамт олондоо баярлалаа :-) / ph-85-%d0%a3%d1%81-100642461483866
