«Қыз тәрбиесі-ұлт тәрбиесі» демекші, парасатты да тәрбиелі қыздар – қоғамның ортаймайтын ең құнды қазынасы. «Қоғамды тәрбиелеймін десең, қызыңды тәрбиеле» деген қағиданың мәні қаншалықты терең болса, мазмұны соншалықты салмақты.«Қыз, әйел, ана» – қасиетті ұғымдар, өйткені олар – өмірдің ұрпақ өрбітетін бастау-бұлағы. Ұлттың бар болмысын – тілі мен дінін, әдет-ғұрпы мен салт-дәстүрін – ұрпақтан-ұрпаққа жеткізіп, бойына дарытатын әйел-ана. Сондықтан ертеңгі ана, бүгінгі қыздарымызды дәстүрге сүйеніп, уақыт талабына сай тәрбиелеу – ата-ананың ғана емес, бүкіл қоғамның міндеті болмақ. Оқу орнымыздың студенттері наурыз мерекесі қарсаңында қыз бала тәрбиесіне қатысты іс-шараларға белсене қатысып, өз өнерлерін паш етті. ҚБ-21 тобының студенті Тынхан Нұржамал қызға тән нәзіктік пен сыршылдықты, АК-41 тобының студенттері Қуандық Жұпар кесте тігуді, ал Мұратхан Асылжан анасымен төр көрпе тігу өнерін көпшілік назарына ұсынса, бүгінде жас келін атанған Хасенова Анель келін шайын ұсынды. Инабатты да ибалы қыздарымыз көп болғай!
