2023 жылдың 15 қыркүйек күні Жаңақала спорт кешенінде "Темір Бүркіт" қоғамдық бірлестігiнiң және Жаңақала аудандық мәдениет, тілдерді дамыту, дене шынықтыру және спорт бөлімінің Жаңақала аудандық «Jastar» спорт клубының ұйымдастыруымен отбасы күніне орай "Толағай" отбасылық сайысы өткізілді. Жарыстың ашылу салтанатына аудан әкімінің орынбасары Еслямгалиева Ақнұрлы Нұрғалиқызы, Жаңақала аудандық мәдениет, тілдерді дамыту, дене шынықтыру және спорт бөлімінің басшысы Танзенов Данял Жұпмағамбетұлы және Жаңақала аудандық «Jastar» спорт клубының директоры Гумаров Жанболат Жасқайратұлы қатысты. Сөз сөйлеген аудан әкімінің орынбасары Еслямгалиева Ақнұрлы Нұрғалиқызы отбасымен күнiмен құттықтап, командаларға сәттілік тіледі. ✅Жарыстың қорытындысы бойынша 🥇орын – Мукановтар отбасы (Жаңақала жалпы орта білім беретін мектебінің командасы); 🥈орын – Бақытжановтар отбасы (Жаңақала мектеп - гимназиясының командасы); 🥉 орын – Қадыралиевтер отбасы (Қызылоба ауылдық округінiң командасы); Жеңімпаздар мен жүлдегерлер "Темір Бүркіт" қоғамдық бірлестігiнiң және Жаңақала аудандық «Jastar» спорт клубының тиісті дәрежелі дипломдарымен, медальдарымен және сыйлықтарымен марапатталды.
