Шымкентте ұн мен қанттың құны бір апта ішінде қатты қымбаттаған. Құбылған бағадан қорыққан тұрғындар базарға ағылып жатыр. Өйткені әзірге ақшамыз жеткенше алып қалсақ дейді. Ал тауар құны тағы өзгеруі мүмкін деген кейбір адамдар әлеуметтік маңызы бар қант пен ұнды қаппен сатып алуға көшкен. Қала әкімдігі болса халықты барынша тыныштандыруға тырысып әлек. Сөздерінше, бағаны қалпында ұстау үшін жұмыстар жасалып жатыр. НАЗЕРКЕ ҮКІБАСОВА, тілші: – Ұн мен қант іздеген шымкенттіктер жаппай базарға ағылуда. Себебі, бір апта бұрын ғана қабы 8 мың бес жүз теңгеден сатылған құмшекер қазір 11 мың теңгеден тұр. Ал, он екі мың теңге болған 50 келілік ұн 16 мыңнан асыпты. Ал, ұн сататын қойма иелері болса Ресейдің экспортқа шектеу қойғанын айтады. Соның кесірінен елдегі баға бірден құбылған. Мұны сатушылар да мойындап отыр. Айтуларынша, аталмыш өнім бағасына 3-5 мың теңге қосылып, үрейленген жұрт базарға сабылуда. Ал, Шымкенттегі азық-түлік бағасына жауапты басқарма өкілдері болса бағада өзгерістің болмағанына сенімді. Сөздерінше, бұған дейін Ресейден келетін өнім көбейіп азық-түліктің бұл түрі арзандаған. Енді бұрынғы қалпына түсті дейді. ЖАНДОС ХАНИЕВ, Шымкент қаласы ауыл шаруашылығы және ветеринария басқармасының бөлім басшысы: – Бірінші сұрыпты ұн және құмшекер тауарларының бағасы Ресей демпингіне байланысты баға біршама төмендеген болатын. Бүгінде бірінші сортты ұнның және құмшекер бағасы қайта өз деңгейіне келуде. Ұн мен қант бағасы өскеннен наубайханадағы нанның құны да өзгерген. Осылай деген Шымкент тұрғындары соңғы кездері еңбекақыларының азық-түліктен артылмайтынын айтып отыр. Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 Біздің сайт: www.31.kz және www.informburo.kz Біздің WhatsApp +7 777 331 31 31 #News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал
