#Кітапханашы_мәртебелі_мамандық 23 қазан Еңбекші ауылдық мәдениет және кітапхана қызметкерлерінің ұйымдастыруымен 24 қазан Кітапханашылар күніне орай "Кітапхана - білімнің көзі" тақырыбында дөңгелек үстел болып өтті. Мақсаты: кітапхана – біздің рухани құндылығымыз, теңдессіз байлығымыз, өткен заман өрнектеріндей тарихты да, әдебиетті де, басқа ғылым кереметтерін де содан табатынын насихаттау. Шараға Е.Сыпатаев атындағы орта мектептің кітапханашысы Еңлік Ержанқызы, Д.Рақышев атындағы орта мектептің кітапханашысы Ләззат Рамазанқызы, Талды ауылдық кітапханасының кітапханашысы Айжан Қуанбекқызы қатысты. Қасиетті қазынамызды көздің қарашығындай сақтап, насихаттап, ел игілігіне жаратып жүрген кітапханашылар – ең қажет, абыройлы мамандық иелері деп дөңгелек үстелді жүргізген Еңбекші ауылдық мәдениет үйінің музыкалық жетекшісі Айболат Молдырахымұлы шараға қатысқан қонақтармен таныстырып, кітапхана жұмысына байланысты бірнеше сұрақтар қойды. Еңбекші ауылдық мәдениет үйінің директоры Кемелхан Нурмухамедқызы кітапханашылар білім, ғылым, өнер мен мәдениеттің дамуына өлшеусіз үлес қосып, өркениетті елге айналуымыздың негізін қалауда. Рухани мәдени байлығымызды ұрпақтан-ұрпаққа жеткізуші кітапхана болса, сол байлықты өз оқырманына таныстырып, табыстаушы өзіндік тұлға, ол – кітапханашы. Кітапханашы – еңбегі көзге көрінбейтін, қолға ұсталмайтын сәуле сияқты деп құттықтау тілегін білдіріп, кітапханашы қыздарға гүл шоқтарын ұсынса, аталған мәдениет үйінің әдіскері Ермек Сабыржанұлы әннен шашу шашты.
