«Қош бол, Шераға!». Шерхан Мұртазаның өмір жолы туралы деректі фильм

Заңғар жазушы, қазақ руханиятының қара нары, қайраткер-қаламгер Шерхан Мұртаза 86 жасқа толған шағында дүниеден озды. Ол бүкіл ғұмырын төл әдебиетіміз бен мәдениетіміздің дамуына арнаған біртуар азамат, қазақтың мұңын мұңдап, жоғын жоқтаған нар тұлғалы қаламгер, қарымды қоғам қайраткері болды. Әлемге әйгілі қырғыз елінің жазушысы Шыңғыс Айтматовтың туындыларын қазақ тіліне тәржімалады. Қырғыз жазушысының «Қош, Гүлсары», «Ботагөз», «Теңіз жағалай жүгірген тарғыл төбет», «Боранды бекет», «Жан пида» атты повесть, романдарын орысшадан аударды. «Жақсының аты, ғалымның хаты мәңгі», – дейді халқымыз. Ұлт руханиятына өлшеусіз еңбек сіңірген Шерхан Мұртазаның есімі еліміздің жадында мәңгі сақтала береді. «Хабар» Агенттігі ел ерінің берген экслюзивті сұxбатының негізінде «Қош бол, Шер аға!» атты деректі фильм әзірледі. Арнайы жобаны назарларыңызға ұсынамыз!