Қызылорда облысы Жалағаш ауданында бір ай бұрын берілген 50 жаңа пәтерге тұрғындар көшіп келе алмай отыр. Өйткені сапасыз салынған баспаналар аязда жылынбайды дейді көпшілік. Бюджеттің бақандай жарты миллиард теңгесі жұмсалған үйлердің бұдан бөлек те кем-кетігі жетіп артылады екен. Айта кетейік, үй кезегінде тұрған жалағаштықтарға жаңа пәтерлердің кілтін өткен айда облыс әкімі Нұрлыбек Нәлібаевтың өзі табыстаған болатын. Толығырақ өңірдегі әріптесім Абай Нұржанұлы айтып берсін. Тұрғындар осыдан тура бір ай бұрын облыс әкімі Нұрлыбек Нәлібаевтың өзінен жаңа пәтердің кілтін алғанда төбелері көкке екі елі жетпей қуанған. Бірақ көпшіліктің қуанышы ұзаққа созылмады. Айтуларынша аймақ басшысы берген пәтерлер мүлде сапасыз болып шыққан. Арзан құрылыс материалдарымен салынғаны көп өтпей біліне бастады дейді бұқара. КҮЛӘШ ЖӘНІБЕКОВА, Жалағаш ауданының тұрғыны: – Қуанып, жүрегіміз жарылып, ағайын-туысты шақырып сөйтіп тамға кіріп ек. Бірақ туалет сол күні ертеңіне-ақ бұзылып қалды. Төбесі жұқа, желп-желп етеді есікті жапқанда. МАЙРА ЕСЕТОВА, Жалағаш ауданының тұрғыны: – Көгеріп жатыр. Есігіміз шіріп жатыр. Су жоқ. Туалеттен аламыз. Өз ақшама бәрін істетіп алдым. Яғни кейбір тұрғындар қарызданып жүріп кем-кетігін қалыпқа келтірсе, шамасы жетпегендер әлі де үйлеріне қоныстана алмай әлек. Басқасын айтпағанда төбесі жұқа, жылу батареялары толық емес баспаналардың іші аязда азынап кететінін айтады тұрғындар. Содан ішкі қабырғалар сыз тартып, көгеріп жатыр дейді. НҰРСӘУЛЕ АХМЕТҚАЛИЕВА, Жалағаш ауданының тұрғыны: – Мердігерге звондадым. Ол жігіт маған дөрекі сөйледі да. Мен үкіметке өткіздім, болды енді ештеңе көмектесе алмаймын деді. Маған қалай список берді солай салып бердім болды деді. Жалағаштағы әлеуметтік аз қамтылған отбасыларға берілген 50 пәтер жеке компаниялардан сатып алынған. Ол үшін “Ұлттық қордан” 500 миллион теңгедей жұмсалған екен. ӘЛІБИ БАЙНАХАТОВ, Жалағаш ауданы әкімінің орынбасары: – Техникалық ерекшелікке сәйкес қабырғаның қалыңдығы 40 см. Қабылдау барысында өлшенген. 40 см қалыңдығы бар. Біз тұрғын үй шартын жасау барысында екі жыл бойы оның гарантиясы бар. Кеткен кем-кетікті сатқан сатушы өздері қалпына келтіріп береді. Яғни әкімнің орынбасары кемшіліктерді түзеуге кепілдік мерзіміміз бар деп сендіреді. Ал тұрғындар мемлекеттен қыруар қаражатына алынған үйді шенеуніктер әу баста дұрыс тексеріп алмаған деп ашулы Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 Vkontakte -
https://vk.com/informburo31 TikTok - www.tiktok.com/@informburo31 Біздің сайт: www.31.kz және www.informburo.kz Біздің WhatsApp +7 777 331 31 31 #Информбюро #31арна #Жаңалықтар #БастыЖаңалықтар #Нашиновости #Сегодня #Қазақстан #31канал
