Адамзаттың ғарышты бағындыруы қазақ жерімен тікелей байланысты

Бүгін адамзаттың ғарышқа алғаш ұшқанына тура 55 жыл толды. Жалпы адамзаттың космосты бағындыруы алғаш рет қазақ жерінен жүзеге асырылғаны тарихымыздың ең бір жарқын тұстарының бірі екені сөзсіз. Байқоңырдан ұшқан зымырандар қазақтың шетсіз-шексіз даласына қайта қонатынын бәріміз жақсы білеміз. Апталап, айлап, жерді көрмеген ғарышкерлер алғашқы жұтым ауаны қазақ жерінен жұтады. Табандары алғаш қазақ топырағына тиеді. Бүгінгі мерекеде ғарышқа сапардың осы тұсына мән бергенді жөн көрдік. Иә, адам баласының ғарыштың тұңғиығына бойлап, тылсым көктің құпиясын ашуға ұмтылғанына – 55 жыл. Сол 55 жыл бұрын 12 сәуірде таңғы сағат 9-дан 7 минут өткенде Кеңес одағы қазақ жеріндегі Байқоңыр ғарыш айлағынан әуе кеңістігіне «Восток» кемесін аттандырды. Оны әлем тарихындағы тұңғыш ғарышкер Юрий Гагарин болған еді. Әрине, бұл – талай рет телеарналардан көрсетілген тарихи сәт. Сол кезде аты аңызға айналған космонавттың ерлігін тұңғыш қазақ ғарышкері Тоқтар Әубәкіров, Қазақстан егемендігі кезінде аспанға алғаш аттанған Талғат Мұсабаев, ұлттық Қазғарыш атынан тылсым көкке көтерілген Айдын Айымбетов бар.