VIDEO
Thinkers подкастын эхний дугаарт тавтай морил. Зочноор СЭЗИС-ийн профессор Ц.Батсүх (PhD) багштай эдийн засаг, Монгол дахь экономиксийн боловсролын түүх, AI, орчин үеийн боловсролын тухай ярилцлаа. Бид долоот бүр подкастаараа дамжуулан сэтгэгчид, экспертүүдийн мэдлэг, гүн ойлголтыг (insight) хуваалцана. Хөтлөгчийн тухай: С.Өнөр нь Нухацтай сэтгэлгээ (2024) номын зохиогч, Thinkers.mn төслийн санаачлагч. Улс төр, экономиксийн ШУ-ны коммюникатор (science communicator) юм. Think with us, subscribe Thinkers podcast. Ep01 Highlighted insights: 📌Экономиксийн боловсрол олгохдоо бакалаврын түвшинд хэт их агуулга өгөөд байгаа юм. Цааш хөгжихөө бодвол магистр, докторын түвшинд үе шаттай, чанартай агуулга хүргэх чухал байна. 📌Хүн ам олон улсад нарийн чиглэлээр мэргэших нь бусдаас ялгарах онцлог давуу тал бий болгож, амжилтад хүргэнэ. Харин цөөн хүн амтай манай улсад ерөнхий суурь мэдлэг маш сайн, тал талын мэдлэгтэй тэр дундаа 1-2 чиглэлд арай гүнзгийрч мэргэшвэл илүү үр дүнтэй байдаг юм билээ. 📌Бодлого боловсруулж буй мэргэжилтэн "Миний бодлоор..." гэж ярьж болохгүй юм. Технологи сайжирсан, маш их өгөгдөл нээлттэй байх үед судалгаатай, загварчлалтай зүйл ярих хэрэгтэй. 📌Онгоц дөнгөж хөөрч эхлэх үед механик удирдлагаар буюу ЭЗ-г сангийн бодлогоор чиглүүлэх нь зүйтэй. Өндөрт гараад тогтвортой нисэж эхлэх үед автомат горимд буюу мөнгөний бодлогоор урт, удаан хугацааны бодлогоо хэрэгжүүлэх ёстой юм. Манай улс одоогоор ЭЗ-н бүтцээ оновчилж чадахгүй байгаа тул эдгээр бодлогыг хэрэгжүүлэхдээ алдаад байгаа. 📌Бизнес эрхлэгч бол ойрын зайны гүйлтийн тамирчин. Бодлого боловсруулагч бол марафоны тамирчин юм. Бизнес эрхлэгчид бодлого боловсруулах албан тушаалд байгаа нь төрийн тогтолцооны буруу механизмийг бий болгожээ. 📌Орчин үеийн оюутан, судлаач нарт мэдээлэл, эх сурвалжийн давуу тал бий болжээ. Энэ бол тэдний хамгийн том боломж. Гэтэл эсрэгээрээ үүнээс болж залуу үе "Бодох цаг хугацаагүй" болсон байна. Мэдээллийн урсгал дунд зөв, бурууг шүүхийн завдалгүй бодол нь сарниж байна. Дараа нь, хүмүүс "гүнзгий уншихаа больсон" байна. Ингээд бодохгүй, уншихгүй болж байгаа нь хамгийн том аюул юм. Timestamps: 0:00-15:32 Зочны намтар, боловсрол 15:32-34:20 Экономиксийн боловсролын шинэчлэл 34:20-36:48 Экономиксийн сургалтын түвшин ямар түвшинд хүрсэн бэ? 36:48-54:10 Сургалтын өнөөгийн ба ирээдүйн түвшин 54:10-1:12:04 Экономиксийн судалгааны чиглэл хаашаа явж байна вэ? 1:12:04-1:24:10- Мөнгөний бодлого vs Сангийн бодлого 1:24:10-1:41:28 Сангийн бодлого ба улс төр 1:41:28-2:02:41 Орчин үеийн оюутнуудын чанар
