Астанада ең жас алтын алқалы ана анықталды. Отыз жетіге енді толған келіншек 9 бала тәрибелеп, тіпті жиен немере сүйіп отыр. Ұлданай Әлімбаеваның қазір оныншы сәбиіне аяғы ауыр. Айы-күні жетіп отырған жас ана Алла бұйырса, дүниеге шекесі торсықтай ұл әкелем деп қуанышты. Он жеті жасында тұрмыс құрып, бесігі мен берекесін бірге тербетіп келе жатқан Ұлданайдың, қазір екі баладан артық құрсақ көтергісі келмейтіндерге айтар кеңесі де бар. Әріптесім Гүлбану Әниятқызы тыңдап қайтқан еді.
