Небір қымбат, «крутой», байлардың қораларын көргенмін. Бірақ, мына қора ішіндегі малға ең жайлысы деп айта аламын. Неге екенін түсіндіре кетейін: Біріншіден, қора ауылда, қолда бар дүниелемен-ақ жасалыпты. Демек, бюджеті жағынан қолжетімдісі. Әрбір ауыл тұрғыны көтере алады. Екіншіден, құрылыс материалдары табиғи таза заттар болғандықтан, мал үшін зиянсыз қора. Яғни, экологиялық жағына таза. Шаруа үшін осыдан артық не керек?!
