Әбішева Мариям Серікқызы - "Kazakhstan Innovations" ҚҚ төрағасы, "ЭКО-DUMP" ЖШС директорымен сұхбат

Экология жанашыры♻️ Экология – адам мен қоршаған орта арасындағы байланыс. Экология қазіргі танда өте күрделі мәселелердің біріне айналып отырғаны белгілі. Экологиялық мәдениет - азаматтардың экологиялық сауаттылығы, ақпаратпен хабардар болуы, табиғатты тиімді пайдаланудың нормаларын күнделікті орындау белсенділігі мен сенімділігі. Қазіргі кезде экологиялық білім беру және тәрбие мәселелері мен білім жүйелері дамуының өзекті бағыттарының бірі болып отыр. Осыған орай Ақмола облысы Ішкі саясат басқармасының «Қоғамдық даму орталығы» КММ «Эко-ағарту» жобасын жүзеге асыруды қолға алған болатын. Өткен аптада - "Kazakhstan Innovations" ҚҚ төрайымы, Ақмола облысы экология және ТКШ (тұрғын-үй коммуналдық шаруашылығы) жөніндегі Қоғамдық кеңесінің комиссиясының төрағасы, "ЭКО - DUMP" ЖШС директоры Мариям Серікқызы Әбішевамен кездесіп, арнайы жоба бойынша сұхбат жүргізілді. Мариям Серікқызы он жылдан астам қоғамдық қызметпен айналысады. Осы аралықта көптеген экологиялық жобалар іске асырылды. Сонымен қатар Мәрим Әбішева тарапынан жастардың ғылыми жобаларына қолдау көрсетілді. Алдағы уақытта да көп нәрселер жүзеге асыруы тиіс. "Kazakhstan Innovations" ҚҚ төрайымының айтуынша, қазір адамдардың денсаулығы мен өмір сүру сапасы тікелей экологиялық жағдайға байланысты. Бүгінде ғаламдық жағдай барған сайын күрделеніп, өткір сипат алып барады. Сондықтан қоршаған ортаны қорғау өте маңызды мәселге айналып отыр. Кейіпкеріміз:"Менің қызметімнің негізгі бағыттары облыс орталығындағы экологиялық жағдайды жақсарту. Соның ішінде: Қопа көлі мен Қылшақты өзенін тазарту, ҚТҚ (ТБО) сұрыптау және өңдеу, Ауыз судың сапасын жақсарту, Энергия ресурстарын үнемдейтін технологияларды енгізу. Сонымен қатар жастар арасында түсініктеме жұмыстарын жүргізіп, ғылыми әлеуетті дамыту, ғалымдардың ғылыми - инновациялық жобаларын қолдау, жастар және халықтың осал топтары арасында бизнесті дамыту", - деп атап өтті. Экологиялық ағарту жолында Мариям Серікқызына толағай табыс, абырой-бедел, отбасына амандық тілейміз! Қоршаған ортамызға жауапкершілікпен қарап, экологиямызды барынша сақтайық құрметті ағайын!