Жетісу облысында капитан Дархан Дәулетовтің жерлеу рәсімі өтті
БІЗДІҢ YOUTUBE АРНАҒА ТІРКЕЛІҢІЗ: / @informburo31kanal --------------------------------------------- Жетісу облысында капитан Дархан Дәулетовтің жерлеу рәсімі өтті. Туыстары мен ауылдастары 26 жастағы жас жігітпен қимай қоштасты. Қайғыдан қан жұтқан отбасы Жаркент гарнизонында қызмет еткен баламызды азаптап өлтірді деп топшылайды. Себебі, денесінің сау-тамтығы жоқ дейді. Сондықтан кінәлілер тиісті жазасын алсын деп отыр. Марқұмды соңғы сапарға шығарып салу рәсіміне өңірдегі әріптесім Меруерт Сабыртай да қатысып келген еді. Бейбіт күнде бауыр еті баласынан айырылып боздаған ананың дауысы Қоңырөлең ауылын күңірентіп жіберді. Тұңғыштарын жоқтаған ата-ананың зары сай сүйекті сырқыратады. Олармен бірге дүйім ауыл жұрты жылап тұрды. Дархан Дәулетов қарашаның 13-нен 14-не қараған түні әскери бөлімде қайтыс болған. Ал ата-анасына қаралы хабар таңертең жетіпті. Жігіттің сүйегін үйге әкелгенде туыстары тіпті күйзелген. Айтуларынша, марқұмның бас сүйегі жарылып, денесінде зорлық-зомбылықтың белгілері болған. Сондықтан қара жамылған отбасы баламызды азаптап өлтірді ме деп күдіктенеді ЕРМЕК МҰСАҰЛЫ, марқұмның ағасы: Денесін көкала қойдай ұрып тастаған. Қолы, аяғында жіптің іздері бар. Арқасының бәрін ұрған. Бет-аузында гематомалар бар. Бас сүйегі жарылған. Біз біріншіден іс жүргізетін органдардан талап ететініміз істің тек әділ болуы. Осы Дархан бауырымның ісіне қатысты адамдар, өлтірген адамдар заңның алдында жауап беруін сұраймыз және талап етеміз. НАЗЕРКЕ БАРИЕВА, марқұмның туысы: Бізге айтуы бойынша оқыс оқиға дейді. Бірақ азаптап өлтірген. Тексеріс бойынша қылқындырған. Аяқ қолын байлап қинап өлтірген нарядта болған ғой. Аузына қолғап тығып аяқ қолын байлап далаға лақтырып кеткен. Нарядта болған сол түні. Үш сарбаз дейді. Білмейміз біреу майордың айтуы бойынша дейді. Өңкей кішкентай балалар ғой 2004-2005 ж сарбаздар дейді. Оған шамасы келетін шығар. Құрлық әскерлерінің баспасөз қызметі күні кеше офицер жоспардан тыс сабақ өткізу кезінде алған жарақатынан қаза тапты деп мәлімдеген. Жерлеу рәсіміне келген әскери қызметкерлер тергеу жүріп жатыр дегенді алға тартып, қайғылы жағдай туралы жақ ашпады. Тек қылмыстық іс қозғалып, күдіктілердің қамалғанын жеткізді. АРЫНҒАЛИ АҚЫШЕВ, ҚР құрлық әскері қолбасшысының орынбасары; Оқиға әскери бөлімнің ішінде болған. Күдікті адамдар ұсталды, қамауда 4 адам. Сол күні жеке жоспар бойынша оқу- жаттығудың болғанын растаймын. Оқиға бойынша Қорғаныс министрінің бұйрығымен комиссия жіберілді Жаркент гарнизоны нақты осы әскери бөлімге. Жағдайын білуге. Қалай, не болғанын? МЕРУЕРТ САБЫРТАЙ, тілші: Капитан Дархан Нұрланұлы Жаркент гарнизонында инженерлік қызметтің бастығы болған. Мұнда ауысып келгеніне небәрі 2 айдан асыпты. Құрлық әскери институтының түлегі бұған дейін 5 жыл Жамбыл облысындағы Отарда қызмет еткен екен. --------------------------------------------- Теңдессіз жобамызға көз салыңыз: • Сөздің шыны керек: [журналистік зертт... Бишімбаев ісі - • Бишімбаев ісі Су тасқыны бойынша барлық ақпарат - • Су тасқыны // Төтенше жағдай Жұмбақ өлімдер - • Жұмбақ өлім Біз барлық әлеуметтік желідеміз, тіркеліңіз: Бізді әлеуметтік желіде оқыңыздар: Информбюро 31 / @informburo31kanal Informburo kz / @informburokz2022 Facebook - / informburo31 Instagram - / informburo31 WhatApp - TikTok - Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық
