Түркістан облысы Көксарай ауылында лейшманиоз ауруы дендеп барады

БІЗДІҢ YOUTUBE АРНАҒА ТІРКЕЛІҢІЗ:    / @informburo31kanal   --------------------------------------------- Түркістан облысы Көксарай ауылында лейшманиоз ауруы дендеп барады. Шағын ғана елдімекеннің 118 тұрғыны дертке шалдығуы мүмкін деген күдікпен дәрігерлер бақылауына алынған екен. Қазір ауылдың жасы да, жасамысы да жарадан жапа шегіп отыр. Қалың ел дерттің дендеп кетуі ауыл маңындағы уран өндірумен айналысатын алып кәсіпорынның кесірі деп топшылайды. Экологтар тексеріс жүргізді ме? Компания өкілдері не дейді? Әріптесім білген еді. Желіге таралған бұл бейнежазба уран өндіретін кәсіпорын аумағында түсірілген. Видео авторы өндіріс ошағының қызметкері екенін және басшылығының тапсырмасымен күкірт қышқылын жерге төгіп, кейіннен оның бетін топырақпен жауып кететін ашық айтқан. Көксарай ауылының тұрғындары да соңғы жылдары мал жиі қырылып, түрлі аурумен арпалысып шаршадық деп отыр. МӨЛДІР ЖАЙЛАУБАЕВА, Көксарай ауылының тұрғыны: Басында кішкентай болып, маса шаққандай болып шығады. Сүйел боп, кішкентай қызыл боп. Содан кейін асты ірің болады. Сосын кәулеп, үлкейе береді ол. Содан кейін басталады, ауыртады, қақсайды жара. Содан кейін ішінде құрт жүргендей болады. Менің бетімде де болды. Ауылдың жасы да, жасамысы да жарадан жапа шекті дейді жұрт. Маңайдағы екі бірдей мектеп оқушылары кеселдің кесірінен сабақтан қалғанын айтады. ЖОЛБАРЫСХАН МЫРЗАПЕЙІС, Көксарай ауылының тұрғыны: Осы былтырдан бастап осы жара көбейе бастады. Бұның ешқандай емі жоқ. Біз халық көбінесе осы ураннан көреміз. Кеше төгіліп жатқан уран, осы Заречноеде болды. Мен өзім көтердім, осыдан болуы мүмкін. Кислотаның кішкентай бірнәрсесі болса, күйеді. Мүмкін содан жұғып-жұғып, мүмкін соның ұшқынынан күйіп жатыр ма? Дәрігерлер лейшманиоз ауруына күдік тудырған 118 адам тіркелгенін жеткізді. Қазір 70 науқасқа ем-дом жасалып жатыр екен. Экологтар кәсіпорын күкірт қышқылын ауыл маңайына төккенін растады. Аумағы 600 шаршы метр шамасында улы зат төгілді деп отыр. Қазір қылмыстық іс қозғау үшін Отырар аудандық полиция бөлімшесіне тиісті хат жолдапты. НҰРЖАС НҰРБОЛАТҰЛЫ, Түркістан облысы бойынша бас экологиялық инспектор: Бұл ҚР Экологиялық заңды талаптарының өрескел бұзылуына әкеп соқты. Департамент экологиялық залалды жою үшін экологиялық заңның 139-бабының заңына сәйкес, ревидиация бағдарламасын әзірлеуде. Сондай-ақ, бүкіл жерлерді толықтай тазалап, қалпына келтіру міндеттелді. Ал компания өкілдері тексеру жүргіземіз деп қысқа қайырды. МАНАС ЫСҚАҚОВ, «ҚАЗАТОМПРОМ» АҚ өндірістік қауіпсіздік департаментінің директоры: Видеода көрсетілген жерде шектеуден асқаны анықталған жоқ. Бірақ басқа жерлерден расствордың төгілгені анықталды. Ол жөнінде бүкіл кәсіпорында осындай тексеру. Ішкі қызметтік тексеру тағайындадық та. Сол тексеру нәтижесімен шара қолданамыз. Ал ауыл халқының ауру асқынбай тұрғанда көпке зияны бар күкірт қышқылынан тірі табиғатқа титтей де төгілмесе деген талабы бар. ---------------------------------------- Теңдессіз жобамызға көз салыңыз:    • Сөздің шыны керек: [журналистік зерттеулер]   Бишімбаев ісі -    • Бишімбаев ісі   Су тасқыны бойынша барлық ақпарат -    • Су тасқыны // Төтенше жағдай   Жұмбақ өлімдер -    • Жұмбақ өлім   Біз барлық әлеуметтік желідеміз, тіркеліңіз: Информбюро 31    / @informburo31kanal   Informburo kz    / @informburokz2022   Facebook -   / informburo31   Instagram -   / informburo31   WhatApp -
TikTok -
Біздің сайт: www.31.kz және www.informburo.kz #Информбюро #31арна #БастыЖаңалықтар #АқиқатынАйтайық