Дуучин Д. Дамдинсүрэн “АЛАГХАН ДЭЛХИЙД ДУУЛЖ ЯВААРАЙ”

Хөгжмийг МУ-ын Соёлын Тэргүүний Ажилтан Зундуйн ЗУНДАРЬ Шүлгийг БНМАУ-ын Төрийн шагналт, Соёлын Гавьяат Зүтгэлтэн, Дорнын их яруу найрагч Бэгзийн ЯВУУХУЛАН БНМАУ-ын Соёлын Яамны Улсын филармонийн “СОЁЛ-ЭРДЭНЭ” хамтлаг Дуучин Д. ДАМДИНСҮРЭН АЛАГХАН ДЭЛХИЙД ДУУЛЖ ЯВААРАЙ (Дуулагдсан:) Амьтны алагхан үр чамдаа Амраг сэтгэлээ өгснөөс хойш Хаврын цас шиг хайлах шахан Хайрын дуундаа уярч явна би. Саран гэрэлтсэн зуны үдшийг Сайхан чи минь санаж байна уу? Хонгор сэтгэлийн хайраа ханзалсан Хорвоогийн үдшийг би мартахгүй. Хүний сайхан үр чамайгаа Хүсдэг болсны минь учир гэвэл- Даамай амраг чамайгаа би Дарь-Эх болгон шүтэх гээгүй юм. Үрдээ дуулах өлгийн дууг чинь Үдшийн цагаар уяран сонсож Хүүхэд тэврэх азтай гараас чинь Хөтөлцөж явъя гэж би шийдсэн юм. Хангал согоо шиг чамайгаа би Хайрын дуугаараа шагнаж байна. Аавын хүүгийн хайрын дууг чи Алагхан дэлхийд дуулж яваарай. Хүний сайхан үр чамайгаа Хүсдэг болсны минь учир гэвэл- Даамай амраг чамайгаа би Дарь-Эх болгон шүтэх гээгүй юм. (Зохиогдсон:) Амьтны алагхан үр чамдаа Амраг сэтгэлээ өгснөөс хойш Хаврын цас шиг хайлах шахан Хайрын дуундаа уярч явна би Саран гэрэлтсэн зуны үдшийг Сайхан чи минь санаж байна уу? Хонгор сэтгэлийн хайраа ханзалсан Хорвоогийн үдшийг би мартахгүй. Анхилам ногоон цэцэрлэгийн дундаас Алхаагий чинь би анддаггүй сэн Хонгор чи минь наддаа ирэхлээрээ Хорвоогийн үдшийг чимэглэдэг сэн. Хүний сайхан үр чамайгаа Хүсдэг болсны минь учир гэвэл- Даамай амраг чамайгаа би Дар-Эх болгон шүтэх гээгүй юм. Үрдээ дуулах өлгийн дууг чинь Үдшийн цагаар уяран сонсож Хүүхэд тэврэх азтай гараас чинь Хөтөлцөж явъя гэж би шийдсэн юм. Хангал согоо шиг чамайгаа би Хайрын дуугаараа шагнаж байна. Аавын хүүгийн хайрын дууг чи Алагхан дэлхийд дуулж яваарай.